Abyss at 8!

Maayong Domingo kanatong tanan mga Ka Tribung BisChikadora. Kahibalo ko nga kitang tanan medyo nakasinati og dili maayo miaging semana sama sa linog ug ang nakaukay sa tanan ang “Tsunami scare,” “Tsunami text” ug uban pa. Pero bisan paman aning mga kasinatian nga dili nato makalimtan, kining tanan usa lang ka pagsulay ug pahimangno sa Kahitas-an. Sa mga panahon nga ingon niini dili nato kalimtan ang pag-ampo kay mao kini ang dakong panagang sa atong kinabuhi karun. Mao nga Viva Pit Senyor!

Para mas mugaan pa ang inyong gibati karon, gidapit ko kamo nga motan-aw sa ikaduhang yugto sa among programa, ang “ Let’s Fiesta “ sa GMA 7 alas otso y medya sa buntag. Hugyaw kung hugyaw kini nga episode kay ipakita namo nga it’s really fun in Cebu! Take note kung miaging semana nanglugwa ang akong mga kauban sa produksiyon, karung buntaga ang inyong Yur’s truly na pud ang mosalang sa aktingan. Mao nga tutok lang mga Ka Tribung BisChikadora!!!!!

Pero mas Hugyaw ang inyong Domingo alang sa adunay oras nga maglingaw lingaw. Lugwa namo sa 8th Anniversary sa usa sa mga banggiitang dance group dinhi sa Sugbo, ang Abyss Dancers. Aduna silay pasundayag giuluhan og Abyss Dancers Dance Center : The Evolution, karung alas tres sa hapon sa SM Activity Centre. Mga hugyaw nga sayaw ang ilang ipakita. Infairness, akong nasaksihan kining maong grupo gikan sa ilang pagsugod hangtud milambo kini, and I’m so proud nga bisan paman sa ilang kalampusan kung ako silang imbitahon sa among mga shows sa GMA basta libre lang ang grupo mosayaw gyud sila. Mao kana’y sakto ug angay panaminan sa ubang dance group nga dili gyud makalimot kung asa gikan, kay kining atong kalibutan sa entertainment gamay kaayo, ang mga tawo nga imong mahimamat sa imong pagsugod kay mao usab ang mga tawo nga imo makauban sa imong kadaugan o kapildihan. Ang Abbys Dancers gipanguluhan sa magtiayon nga si Abigail Padilla kauban ang iyang kapikas sa kinabuhi nga si JipJip . Sa maong show aduna pud sila’y mga espesyal nga bisita para manghugyaw sa entablado, ang New Friends Dance Crew , Kinesys Dancers, Wave Onyx Dance Crew, Hot Flesh Dancers ug Kingz Gambit. Ang akong masulti manghinaut ko nga mas mulambo pa ang inyong grupo! Goodluck and many more years to come!

Belated Happy Birthday to Papa Jason Dacua gikan sa imong kapikas sa kinabuhi, partner Ching Pelayo –Dacua. Usa lang gyud ang akong wish kay naa naman mo’y baby Ethan pwede naa namo’y baby Ching? Ana lang! Good health always papa Jason and stay cool!

Atangi sunod Domingo: Aktres kusog mokaon og saging? Saging nga molihok. hahahhaha… ayaw sipyata!

Good luck kuno dong!

Reaksyon ni Katrina Halili sa gikatahong pagbalik showbiz ni Hayden Kho Jr.: "Ow? That guy? He's coming back? Oh, good luck to him!” Suma pa niya closed book na ang istorya nilang duha ni Hayden.

Martin ang peg

Sa 10 ka tuig na ni Erik Santos sa showbiz, ubay-ubay na pud siya og mga nakab-ot isip singer. Dihang gipangutana unsa pay buot niyang mahitabo sa iyang singing career, tubag niya: "Pwede ko bang i-try maging Martin Nievera?" Gusto ni Erik nga mahisama kang Martin isip balladeer and concert performer.

Walay walkout!

Gihimakak sa inahan ni Barbie Forteza nga nag-walkout ang iyang anak sa set sa Ikaw Lang Ang Mamahalin bisan og may eksena pa kini nga wala mahimo niini. Suma pa niya may pagtugot sila sa production people nga mubiya sanglit may giapas sila nga flight paingon sa Legaspi sayo sa buntag nianang pagka sunod adlaw alang sa out of town show ni Barbie.

Viva talent Liz

Mipirma na og kontrata ang sikat nga fashion stylist nga si Liz Uy ubos sa Viva Entertainment para sa iyang TV guestings and product endorsements. Interesado siya sa hosting, samtang gihunahuna pa niya kun musuway ba pud siya og acting.

Si Kim ba?

Daghan ang excited mahibawo kinsay buot pasabot ni Xian Lim nga “special person” nga gipaabot niyang mutando aron iyang maka-date sa umaabot nga Valentine’s Day. May mga nagduda nga si Kim Chiu kini, apan tak-om ang baba sa cutie chinito.

Wala manguyab uy

Gisalikway ni Sarah Lahbati ang mga taho nga naglambigit kaniya ug ni Carlo Aquino. Wala matud pa manguyab niya si Carlo apan tinuod nga miduaw kini sa set sa Kokak kaniadto gumikan kay nagkat-on siya og gitara ug managsama silang duruha nga interesado niini.

Toda Max gyud!

Naghudyaka sila si Robin Padilla, Angel Locsin ug Vhong Navarro gumikan kay may second season ang ilang sitcom Toda Max matag Sabado sa ABS-CBN. Nasayran nga usa ka season o 13 weeks ra gyud unta mulungtad ang maong sitcom, apan ang taas nila nga rating maoy mihatag kanila niining maong grasya.

Bayran ang mga utang

Bayaran matud pa ni Betong o Albert Sumaya, ang Sole Survivor sa Survivor Philippines Celebrity Doubles Showdown sa GMA-7, ang ilang mga utang, pinaagi sa P3 M nga iyang nadaog adtong Biyernes sa gabii sa grand finals.

Suma pa may mga utang matud pa siya sa credit card gumikan sa mga dinaliang panginahanglanong pinansyal kaniadto. Sa samang higayon bayaran pud matud pa niya ang ilang balay nga ilang gihulughulugan sulod na sa 20 ka tuig.

Labaw sa tanan, ipatagamtam matud pa niya sa iyang pamilya ang hamugaway nga pagpuyo karon nga may kwarta na siya.

Samtang human sa Survivor, buot gayud ni Betong nga suwayan ang pag-artista kauban ang iyang partner sa isla nga si Maey Bautista. Ganahan pud siya nga mamahimong EP (executive producer) sa Survivor Philippines sa GMA-7 sanglit nakita matud pa niya ang production niini ug buot niya nga makatabang unsaon nga mas munindot pa ang maong reality show.

Kasamtangan siya nga EP sa Ang Pinaka ug Day Off sa GMA News TV.

Kun lovelife niya ang istoryahan komedya ni Betong nga hayan may magka interes na niya karon nga may kwarta na siya.

Sa mga nangandoy nga magkauyab sila ni Maey sanglit managsama man sila nga single, miklaro si Betong nga managhigala ra gyud sila.