Love. Love. Love! sa Party Pilipinas

MANILA, Philippines - Hindi magpapahuli sa Valentine’s Day celebration ang Party Pilipinas kaya mauuna na silang magsabi ng “LOVE.LOVE.LOVE!”

Abangan ang pagbabalik ng Asia ’s Songbird na si Regine Velasquez-Alcasid sa kanyang comeback performance sa Party Pilipinas stage. 

Nakakasabik na rin ang grand launch ng My Beloved nina Dingdong Dantes at Marian Rivera. Maghahandog naman ang co-star na si Katrina Halili ng espesyal na kanta sa Duets segment kasama ang mga nagte-trending na sina Maxene Magalona with Arkin Magalona, Aljur Abrenica, Lovi Poe, at Glaiza de Castro. 

Magsisilabas naman ang cast ng The Good Daughter na sina Kylie Padilla, Rocco Nacino, at ang bagong Kapuso sweetheart na si Max Collins.

Heart’s Day talaga dahil magdiriwang din ng kaarawan si Heart Evangelista. At ang well-loved tandem naman na Julielmo (Julie Anne San Jose at Elmo Magalona) ay may spot na rap acoustic. 

Si Jennylyn Mercado ang bahala sa requested songs at ang Power Four na sina Ogie Alcasid, Janno Gibbs, Jaya, at Regine ang makikipagbiritan kina Kyla, JayR, Rachelle Ann Go, Mark Bautista, Jolina Magdangal, at La Diva.

Show some love for Survivor Philippines: Celebrity Doubles Showdown Final 3 na makiki-join sa Sayaw Pilipinas! Sexy Hataw nina Rochelle Pangilinan, Aira Bermudez, Michelle and Ehra Madrigal, Bubbles Paraiso, Pauleen Luna, Sam Pinto, and Aljur Abrenica.

Ang Party Pilipinas LOVE.LOVE.LOVE ay eere ngayong Linggo sa GMA 7, 12 n.n.