Mga naiinis kay Hayden nadagdagan

Seen : Binaha ng mga hate messages ang Twitter timeline ni Hayden Kho, Jr., isa sa mga sign na ipagpaliban niya ang balak na pagbabalik sa showbiz.

Scene : Hindi na nasundan ang kontrobersiyal na tweet ni Dra. Vicki Belo tungkol kina Hayden Kho, Jr. at Nancy Castiglione.

Seen : Si Albert Sumaya, Jr. aka Betong ang tinanghal na Sole Survivor ng Season 4 ng Survivor Philippines.

Naiyak sa sobrang kaligayahan si Betong sa announcement ng kanyang pangalan at nang tanggapin niya ang tatlong milyong piso na premyo.

Scene : Nagpapakontrobersiyal si KC Montero dahil sa kanyang paniniwala na siya ang karapat-dapat na may hawak ng title at premyo na napanalunan ni Betong.

Bitter is not always better.

Seen : Ang pagpirma ni Liz Uy ng kontrata sa Viva Entertainment na representative niya sa kanyang mga product endorsement deal.

Hindi na dapat mag-ambisyon si Liz na maging artista dahil hindi siya pang-showbiz.

Scene : Ikinabigla ng mga sympathizer ni Aleli Arroyo ang balita na nakalagay ang pangalan ni Grace Ibuna sa last will ni Congressman Iggy Arroyo.

And the plot thickens...

Seen : Bumalik sa Pilipinas si David Archuleta at nag-perform siya kagabi sa malaking event ng isang toothpaste brand sa SM Mall of Asia.