Reunion galore

CEBU, Philippines - Happy si Marian Rivera sanglit kasagaran sa iyang mga co-stars sa “My Beloved” puros na nakauban sa iyang mga projects kaniadto. Gawas kang Dingdong Dantes nga uyab niya ug kanunay pares, naa pud si Paolo Contis nga nakauban niya sa “Babaing Hinugot Sa Aking Tadyang,” si Jennica Garcia nga kauban niya sa One True Love, si Mikael Daez nga kauban niya sa Temptation Island ug Amaya, ug si Katrina Halili nga kontrabida niya sa Marimar ug mao puy kontra niya karon sa nahisgutang serye.

Dili diay magpakasal?

Apektado si Hayden Kho Jr. sa tsika nga dili interesado magpakasal niya si Dra. Vicki Belo. Balik showbiz na si Hayden ug ubos na siya sa pagduma ni Carlo Orosa, ang manager nila ni Christian Bautista ug Karylle. Gituohang sa ABS-CBN siya magpasilong.

Sila na gyud

Sila si Carmina Villarroel, Zoren Legaspi, ug ang ilang kaluha nga mga anak maoy endorsers sa bag-ong classification ratings ad sa MTRCB nga gilusad kagahapon. Apan dihang gipakita na kini ngadto sa press kalit nga nag-brownout sa opisina sa MTRCB busa mikatawa na lang si Chairperson Grace Poe Llamanzares.

Rhian mibalik na

Balik na si Rhian Ramos sa iyang trabaho human siya mibakasyon gumikan sa kontrobersiya nga naglambigit kaniya ug ni Mo Twister. Nasayran nga taod-taod na nga nagpadayon ang shooting niya ug ni Aljur Abrenica sa ilang pelikula “My Kontrabida Girl.” Gani, hapit na sila mahuman.

Zero sa Valentine’s Day

Walay date si Aljur Abrenica karong Valentine’s Day, usa ka rebelasyon nga tinuod ang migawas nga tsika nga nagbuwag na sila ni Kylie Padilla. Miingon si Aljur nga career ang iyang priority pagkakaron.

Walay panagbuwag uy

Gihimakak ni Kylie Padilla ang nabaniog nga panagbuwag nila ni Aljur Abrenica. Walay buwag nga nahitabo kay wala sila magkauyab niya pa.

Unsa man gyud?

Namahayag si Sheena Halili nga okay ra niya kun makig-date si Rocco Nacino og lain sanglit wala pa man matud pa silay relasyon. Apan kun si Rocco maoy pasultihon buot niya nga “exclusively dating” sila ni Sheena sanglit ang dalaga gayud matud pa ang iyang ganahan.

Angelica napungot!

Giingong wala mahimuot si Angelica Panganiban sa dugay nga pag-air sa programa niya nga Banana Split niadtong Sabado.

Duna siya’y gipang-tweet ug tataw nga nadismaya siya pag-ayo gumikan kay matud pa niya nga nindot ang maong show busa dili kini angayan nga dugayon pagsugod.

Mao kini ang gi-tweet ni Angelica, “Ang important ng Banana Split! 11:55pm. pumasok! Dapat pala ang pag-promote namin ay ‘nood kayo ng BS 5mins., bago mag-Sunday! Tnx!’” at sinundan ng, “Abangan n’yo ulit next week ang BS. Ang tanging show ko for almost 2 years na importante talaga 5mins., bago mag-Sunday.”

Hinuon nawala ang kapungot ni Angelica   gumikan sa komento sa iyang mga fans nga wala nila igsapayan nga naghuwat sila og dugay basta ang importante nga nalingaw sila sa Banana Split.

Karong gabii Mara, Stef o Betong?

Karong gabii na mailhan ang bag-ong Celebrity Sole Survivor sa GMA-7.

Magtigi sa Survivor Philippines Celebrity Doubles Showdown pinaagi sa live finale sila si Stef Prescott, Mara Yokohama ug Betong Sumaya.

Usa nila ang makaangkon sa P3 Million grand prize ug ang katungod nga makapanghambog isip ang mananaog karon nga season. Samtang gilab-as sa top 3 ang pagtulun-an ug mga nakat-onan nila sa Survivor.

“Before Survivor, there are things I thought I know about myself - my favorite color, my favorite food - pero after Survivor, I found new stuff about myself. I get to be more open. Kasi I'm always in denial that ‘no I'm a good person,’ pero after Survivor, you'll become open and now I can say that ‘I am a bad person sometimes.’ Mas nagiging real 'yung pagkatao mo with Survivor and I think mas matatanggap mo 'yung mga tao around you because of Survivor,” nagkanayon si Stef.

Si Mara miingon, “Marami akong natutunan. I can say that in Survivor, I grew up a lot emotionally. Marami akong na-realize sa sarili ko like for my future. Pero I think the best thing that I have learned in the island is that when you thought you have nothing, you still have God. Dun talaga naging malakas 'yung relationship ko kay God. You'll be grateful with the little things in life.”

Ug si Betong nagkanayon, “In Survivor, pwede pa lang pumayat, hindi pala mahirap at may pag-asa pala. Kasi sumali ako sa Survivor na obese at may high blood, hindi pala mahirap. At the same time, hindi ko inakala na kaya palang mag-survive sa isla nang kaunting kanin at tubig lang plus the environment 'pag umuulan, natutulog ka nang basa. Natutunan ko na huwag na huwag mong ia-underestimate 'yung sarili mo kasi may pwede ka palang mapatunayan.”