Grace idinadaldal ang tsikahan nila ni P-Noy!

SEEN: Atkins Diet at regular workout sa gym ang sikreto ng mabilis na pagpayat ni Dingdong Dantes.

Tumulong si Marian Rivera sa paghahanda ng diet food ng kanyang boyfriend at leading man sa My Beloved.

SCENE: Ang grabeng trapik sa Marcos Highway at ang reklamo ng mga tao na wala silang masakyan kahapon dahil sa shooting ng The Bourne Legacy sa Marikina City.

SEEN: Ipinapahamak si P-Noy ng kadaldalan ni Grace Lee dahil ito ang source ng balita na tumatagal ng limang oras ang kanilang pag-uusap.

Ang kampo rin ng Korean radio-TV personality ang pinaghihinalaan na pinagmulan ng balita na iniaalok sa kanya ni P-Noy ang security group.

SCENE: Skin tear at hindi mga buto sa kamay na nabali ang dahilan ng matinding pamamaga ng kamay ni Nonito Donaire, Jr. sa laban niya kay Wilfredo Vazquez noong Sabado.

SEEN: In na in ang Manila City Council dahil napapanood via live streaming sa www.epoltv.com ang kanilang session.

Ang aktor at Manila City Vice Mayor Isko Moreno ang masipag mag-remind tungkol sa live streaming ng city council session.

SCENE: Twice a week lamang ang shooting ni Batangas Governor Vilma Santos para sa The Healing.

Tuwing Huwebes at Sabado ang shooting schedule ni Vilma para sa horror movie ng Star Cinema na tinatampukan nila ni Kim Chiu.

Si Chito Roño ang direktor ng The Healing.

SEEN: Malabong magkaroon ng concert sa Manila si Madonna dahil wala ang Pilipinas sa listahan ng kanyang 2012 World Tour.

Sa May 29 ang kick off ng 2012 World Tour ni Madonna sa Tel Aviv, Israel.

SCENE: Ang Isang Dakot na Luha ang next project ni Eric Quizon bilang direktor sa TV5.

Si Danita Paner ang bida sa new afternoon soap ng Kapatid Network.