Actress-comedienne biglang nag-isip, magiging anak halos kaedad lang niya!

Tuwang-tuwa na sana ang actress-comedienne na ito nang kunin siyang guest sa isang top-rating drama anthology. Kahit may kontrata sa kabilang network, pinayagan pa rin siyang mag-guest dahil minsan lang naman siyang maggi-guest.

Mother role ang gagampanan ng actress-comedienne at okay ito sa kanya dahil sa edad niya, puwede na siyang maging nanay. Ang ikinagulat lang nito, ang gaganap na anak niya ay ilang taon lang ang tanda sa kanya. Kaya nagdalawang-isip ang actress-comedienne kung tatanggapin ang offer o hindi.

John Lloyd at Angel kanya-kanyang dala ng aso sa trabaho

Ang poster ng Star Cinema movie nina John Lloyd Cruz at Angel Locsin na showing sa Feb. 15 ang profile ni Angel ng kanyang Twitter account. May nag-comment na very Hollywood ang poster ng movie ng dalawa, mag-iisip ang makakakita kung ano ang suot nila sa likod ng diyaryo na nakatakip sa kanilang mga katawan.

Hopefully, masagot ng movie kung kailangan ba talaga ng label ng mga relasyon. Mula ito sa direction ni Cathy Garcia-Molina.

Samantala, ’katuwa pala na sa taping, kanya-kanyang dala sina Angel at John Lloyd ng pet dogs nila. Nakita namin sa Twitter na white ang dala ng dalaga at black naman ang alagang aso ng aktor.

Rochelle ginagaya ang mga Kapusong mAlandi!

Ayaw pangalanan ni Rochelle Pangilinan ang peg niya sa role niya bilang si Rebecca Sta. Maria sa Broken Vow, basta ang say niya, mga babaeng may landi na nakikita niya sa GMA 7 ang ginagaya niya. Kahit nangako kaming sa blind item namin isusulat, hindi pa rin nagbigay ng names si Rochelle.