Grace Ibuna nagsalita na, Cong. Arroyo hindi totoong ipapa-cremate sa London, legal wife umuwing luhaan!

Sinubukan ko na kontakin kahapon si Grace Ibuna sa kanyang cell phone at sinuwerte ako dahil sinagot niya ang phone call ko.

Tinawagan ko si Grace para i-comfort siya dahil sa kontrobersiya na kinasasangkutan niya na may kinalaman pa rin sa pagpanaw ni Congressman Iggy Arroyo sa London, England.

Malungkot ang boses ni Grace pero tiniyak niya na siya ang mag-uuwi sa mga labi ng politician at kung tama ang intindi ko, kahapon o ngayon ang arrival nila mula sa London.

Hindi totoo ang mga tsismis na ipapa-cremate ni Grace ang bangkay ni Rep. Arroyo. Hindi rin totoo na banned siya sa burol ng namatay na kongresista. Paano magiging banned si Grace eh siya nga ang mag-uuwi sa mga labi ng kanyang long-time companion?

Headline sa isang broadsheet noong isang araw na banned si Grace sa burol ng congressman dahil ito raw ang kagustuhan ng legal wife na si Aleli Arroyo. Pumunta pa sa London si Aleli at ang lawyer nito na si Atty. Lorna Kapunan para sunduin at dalhin sa Pilipinas ang mga labi ni Congressman Arroyo.

Ang ending, literal na umuwi ng luhaan ang legal wife dahil nabigo siya na bawiin ang bangkay ng kanyang estranged husband.

Pilot week pupunuin ng GMA shows

Ngayon ang simula ng pilot week ng mga bagong shows ng GMA 7, ang Broken Vow, Alice Bungisngis and Her Wonder Walis, at Biritera.

May-I-remind ko sa lahat na huwag kaligtaan na panoorin ang mga nasabing show dahil siguradong magugustuhan ninyo ang mga eksena ng drama, pantasya, at kantahan.

I repeat, watch ninyo ang Broken Vow, Alice Bungisngis, at Biritera dahil hindi kayo magsisisi.

Reaksiyon ni Dr. Vicki sa pag-aartista uli ni Hayden naudlot

Hindi naipalabas noong Sabado ang exclusive interview ni Papa Ricky Lo kay Hayden Kho, Jr. na ready na uli na sumabak sa showbiz.

Mapapanood sa Startalk sa darating na Sabado ang interbyu ni Papa Ricky kay Hayden at ang kuwentuhan portion nila ni Dr. Vicki Belo na nagsadya pa sa studio ng aming show para mapagbigyan ang request na marinig ang side niya tungkol sa pagbabalik showbiz ng kanyang fiancee.

Agree o approved ba si Mama Vicki sa plano ni Hayden na maging active muli sa showbiz si Hayden o may mga hesitation siya? Malalaman ang kanyang sagot sa Startalk sa Sabado!

Jose at Wally nakapagpataas ng rating!

Naniniwala ako na malakas ang hatak sa masa ng tandem nina Jose Manalo at Wally Bayola.

Nag-guest ng live sa Startalk ang dalawa noong Sabado at si Papa Joey de Leon ang nag-interbyu sa kanila.

’Daaay, umalagwa as in humataw ang live ratings ng Startalk dahil sa live kuwentuhan nina Papa Joey, Jose at Wally. Hit na hit talaga sa mga tao ang panggagaya ng dalawa sa ibang mga showbiz personalities. Huwag tayong magulat kung isa sa mga araw na ito eh magkaroon na rin ng launching movie sina Wally at Jose.