Mag-comedy si Enchong

CEBU, Philippines - Ang umaabot nga pelikulang “The Reunion” sa Star Cinema maoy sunod nga project ni Enchong Dee human sa Maria la del Barrio. Comedy kining maong movie busa dakong hagit alang kang Enchong nga naanad og drama. Makauban niya sila si Xian Lim, Kean Cipriano ug Enrique Gil.

Feeling star

May tsika nga feeling star ang iyaan ni Sarah Labhati ug ang ending banned na ang beauty niini sa tent sa iyang pag-umangkon sa set sa Kokak. Unsaon nga gipalayas matud pa niini si Jessa Zaragoza sa tent nga alang nilang duha ni Sarah, sanglit bida matud pa ang iyang pag-umangkon busa angayan nga may kaugalingon kining tent.

Sila diay uyab

Sila si Jhake Vargas ug Lexi Fernandez matud pa ang may relasyon sa tinuod nga kinabuhi. Sa umaabot nilang pantaserye, ang “Alice Bungisngis” sa GMA-7 sila si Jhake ug ang bida niini nga si Bea Binene maoy pares samtang si Lexi ug Derrick Monasterio ang partners.

Regine dugay mituo

Nakugang ug naguol ang beauty ni Regine Velasquez sa pagbalhin ni Iza Calzado sa ABS-CBN. Dugay ra matud pa siya nakadungog kabahin niini, apan adtong Domingo ra siya mituo dihang nakit-an na gyud niya si Iza sa ASAP 2012.

Pagtarong papa

Ang dos anyos niya nga anak mao matud pa maoy miusab sa pagkatawo ni John Wayne Sace. Inanay na unta siya nga misikat kaniadto gumikan sa iyang abilidad sa pag-arte, apan giingong nagpasaway siya busa nawagtang sa showbiz. Karon magtarong na gyud matud pa siya alang sa iyang anak nga lalaki.

Ready to love again

Giangkon ni Iza Calzado nga pito ka buwan human sa ilang panagbuwag sa businessman nga si Atticus King may ka-date na siya karon nga iyang higala. Seryoso matud pa sila sa usa’g-usa, ug gipaila na gani niya ang lalaki sa iyang suod nga mga higala sama ni Karylle.

Katapusang MMK ni Sam

Karong adlawa mulupad paingon sa Amerika si Sam Milby aron manimpad sa Hollywood. Apan karong Sabado, makita pa siya pinaagi sa Maalaala Mo Kaya episode kauban si Jessy Mendiola, kabahin sa gugma nga gisupak sa ilang isig ka pamilya apan ilang gipakigbisugan. 

Concert ni Bryan Adams sa Pilipinas dili madayon

Dili madayon ang gikatakdang concert sa Grammy-winning singer nga si Bryan Adams dinhi sa Pilipinas nga himoon unta karong Pebrero 18 sa Smart Araneta Coliseum.

Sa website sa singer, nagbutang kini og advisory nga mo-refund sila sa nahalin na nga ticket.

Wala hinuon mohatag og rason ang kampo ni Bryan kalabot sa pag-atras nila sa maong konsyerto. Ang Pinoy fans sa singer naminghoy pag-ayo sa dihang nasayran nila ang maong balita.

Si Bryan maoy nagpasikat sa mga kanta sama sa "Straight from the Heart," "(Everything I Do) I Do It For You," "Cuts Like A Knife" ug uban pa. (BANAT NEWS)