Black diamond na bigay kay Lara pinag-ipunan pa ni Marco!

PIK: Isang black diamond ring ang ibinigay ni Marco Alcaraz kay Lara Quigaman nang mag-propose ito ng kasal.

Mahilig daw sa diamond si Lara kaya pinag-ipunan ng aktor ang singsing na iyun para ibigay sa kasintahan.

Kasali si Marco sa bagong afternoon primetime ng GMA 7 na Broken Vow at kailangan daw niyang magtrabaho nang husto bilang pagha­handa sa nalalapit na kasal nila ni Lara.

Medyo kabado raw siya sa kanilang kasal sa October pero mas lamang ang excitement dahil nakikita na raw niya ang sariling nagbubuo na sila ng pamilya ni Lara.

PAK: Walang pakialam si Maxene Ma­galona sa mga panlalait na natatanggap niya nang pumiyok siya Party Pilipinas nung nakaraang Linggo.

Aminado naman siyang hindi siya singer, kaya pinagtatawanan na lang niya ang pintas at pang-aalipusta na itini-tweet sa kanya.

 Sa Sabado ay sasagutin lahat ni Maxene sa Startalk ang mga pan­lalait na ito sa kanya.

BOOM: Totoo ngang meron nang nabubuong magandang pagtitinginan sina Dennis Trillo at Bianca King.

Nang nakatsikahan naman namin si Bianca sa presscon ng Broken Vow, ayaw niyang magkomento tungkol sa kanila ni Dennis.

Mas mabuting tungkol na lang daw sa drama series niya ang pag-uusapan dahil hindi naman daw si Dennis ang kasama niya rito.