Sharon namahay sa bagong dressing room!

MANILA, Philippines - Parang naimbyerna kahapon si Megastar Sharon Cuneta.

Heto ang isa sa mga tweet niya.

“Am just so tired... Of certain people, of certain de­velop­ments, of being judged, of being doubted... I mean you would think after more than 3 decades na ang hirap naman i-acting na consistent ang ugali mo, that you would get at least a little respect and that people would no longer doubt your intentions... Then just when you re-learn to believe certain people you already knew to be inconsistent, turns out you shouldn’t have given them a chance after all. So sorry. So tired of taking a beating for all kinds of things... From Kapamilya loyalists, “friends” in showbiz, etc. So, so tired... “

Super active si Mega sa pagti-tweet. Pareho sila ni Regine Velasquez na nag-e-enjoy sa Twitter. Kaya the other day, sila mismo ang nagtsitsikahan. Panay ang kumustahan ng dalawa na parehong may Valentine concert.

Samantala, kahapon ay napanood na siya sa programa ng TV5 at siya mismo ang nagsabi na naninibago siya, namamahay. “Am in ABC 5 for the very first time since I joined TV5. Now in my dressing room getting made up. I’m naninibago. Namamahay.

“Wow. My emotions are confused. Happy but sad. Sad but happy. All new people. All new surroundings. Missing “home” and keep reminding myself this is “home” now,” tweet niya pa.

Concert tickets sa Valentine hindi masyadong malakas ang bentahan

Mahina raw ang bentahan ng mga tickets concert ngayong Valentine.

Ayon sa isang source, hindi masyadong gumagalaw ang mga tickets mapa-local o foreign man, mapamalaki o maliit ang venue.

Kaya nga raw worried ang ibang producer dahil baka hindi sila maka-recover sa mga gastos.

Kung sabagay maaga-aga pa naman. Meron pang two weeks para makabenta sila. Saka this Tuesday pa lang ang suweldo so baka naman lumakas ang sales nila hanggang sa dumating ang February 14.

Showtime nagpasalamat lang, hindi nag-last episode

Uy hindi naman pala farewell episode ng Showtime ang napanood kahapon na may kasamang iyakan.

Pasasalamat lang daw ‘yun ng show sa mga taong nanonood sa kanila.

Ang impression kasi ng marami sa episode ay parang last episode na ‘yun.

Anyway, wala nang variety show na papalit sa matsutsuging Happy Yipee Yehey. Ibabalik daw ng Kapamilya network ang Kapamilya Blockbuster at ipapasok din ang Mundo Man ay Magunaw.