'Araneta here i come! wala nang atrasan' - Anne
MANILA, Philippines - Bukas na, January 28, masasaksihan na ang pinaka-ambisyosong concert sa Smart Araneta Coliseum, ang Annebisyosa: No Other Concert ni Anne Curtis.
“Wala nang atrasan ‘to!” sambit ni Anne. “Whether you like it or not, Araneta, here I come!”
Palasak na ngang sabihin na “selling like hotcakes” ang mga tickets sa show ni Anne kaya naman ang tawag sa kanya ngayon ay Box-Office Queen/National Sweetheart/Platinum Recording Artist/Fashion Icon at Concert Empress ng mga nagmamahal sa kanya na sobra ang excitement na mapanood ito.
“Ito ang aking pasasalamat sa lahat ng aking mga fans na walang sawang sumusuporta at nagmamahal sa akin,” dagdag pa ni Anne.
“Lahat talaga ginawa ko para masigurong maganda at bonggang-bongga ang concert kong ito, pramis yan.”
Ang Annebisyosa: No Other Concert ay prodyus ng Viva Concerts.
Ang mga presyo ng ticket: Patron A & B (P3000), Lower Box (P2500), Upper Box A (P1500), Upper Box B (P700). Maaaring tumawag sa SM TicketNet sa 911-5555 o sa Viva Concerts sa 687-7236.
- Latest
