Sexy actress nag-iilusyong nililigawan ng sikat na aktor

PIK: Maganda ang feedback sa bagong indie film na Bola na nagkaroon ng premiere night sa UP Film Center nung nakaraang Sabado.

Pinuri ang akting nina Kenneth Salva at Jacob Miller, na pasado sila para sa isang baguhan.

Pero mas pinag-usapan ang laplapan nina Arnel Ignacio at Kenneth na ikinaloka ng mga kabadingan.

Magkakaroon uli ng screening ang naturang pelikula sa Linggo, 7:30 ng gabi na gaganapin sa Queeriosity Palace sa FB Harrison, Pasay City.

Sponsored ito ng grupong Love Yourself na all-out ang suporta sa naturang pelikula.

Sa February 15 na ang showing nito sa ilang sinehan sa Metro Manila.

PAK: “Assumptionista” ang tawag sa isang sexy actress ng mga taong malapit sa isang sikat na aktor.

Ito kasing si sexy actress ay nagsasabing parang interesado at niligawan siya ng isang sikat na aktor.

Wala naman sinasabi si sikat na aktor, at ayaw na lang niyang patulan ang sexy actress. Pero ang mga taong malapit sa kanya ang nagri-react dahil alam nila kung sino talaga ang type ni sikat na aktor, at hindi itong si sexy actress.

Kaya “assumptionista” ang bansag nila kay sexy actress dahil nag-a-assume daw itong type at nililigawan siya ni sikat na aktor.

BOOM: Ayaw nang patulan ni Isabel Lopez ang mga patutsada ni Ellen Adarna laban sa kanila ng anak niyang si Mara Yokohama.           

Sey ni Isabel, “She’s an insult to my intellect. Wala na bang ibang puwedeng pag-usapan.

“May natapos ba ang babaeng ‘yan,” tili nito sa amin.

Sabi naman ni Mara : “Come on, ano ka ba hindi na ako kailangang pumatol sa iyo graduate ako ng La Salle at 18 years old. Diyos ko po may course degree ako.”