Shaina ug Loydie okay na, maghilom na lang

CEBU, Philippines - Sa nasayran ni John Lloyd Cruz, Valentine offering sa Star Cinema ang pelikula nila ni Angel Locsin, “Unofficially Yours.”

Apan niya pa, wala pay eksaktong petsa kanus-a gayud kini mulugwa sunod buwan.

Gipaneguro ni Loydie nga lahi matud pa nga John Lloyd ang maaninaw sa nahisgutang pelikula sanglit lahi pud ang istorya niini ug ang iyang character itandi sa nanglabay na niyang movies.

Gani miingon si Loydie nga basin walay laing actor nga mangahas paghimo sa iyang gibuhat sa “Unofficially Yours.”

Samtang naghinamhinam na si Loydie sa gikatahong reunion teleserye nila ni Bea Alonzo sa ABS-CBN. Suma pa niya mao ni iyang nahibaw-an, apan hangtud nga wala pa sila magsugod og taping, dili una siya musalig og maayo sanglit daghan pa ang posibling mahitabo.

Basta kay ganahan na kaayo siya nga mubalik paghimo og teleserye sanglit labihan matud pa ka hugyaw sa mga proyekto karon sa ABS-CBN diin ang kompetisyon labihan matud pa ka higpit sa mismong nataran sa Kapamilya busa inspirasyon kini alang niya aron mas paninduton pa ang iyang trabaho. Sa relasyon nila ni Shaina Magdayao miingon si Loydie nga himuon na nilang pribado diin pilion na lang gayud nila ang ilang paambitan sa publiko. Igo na matud pa nga masayud ang publiko nga naa ra sila ug malipayon.

Healthy lifestyle ang target ni Loydie karong tuiga, diin magbantay na gyud matud pa siya sa iyang kan-on ug ampingan niya ang iyang lawas.

Sarah magkat-o’g luto

Laraw ni Sarah Geronimo nga magkat-on og luto pag-abot sa tukmang panahon sanglit bata pa lang siya interesado na siya niini.

"Matagal na pero hindi ako pinapayagan kasi medyo may pagka-clumsy po ako. Medyo nakakabasag, pero mao-overcome din natin 'yan kapag medyo magaling na tayo," she explained.

"Gusto ko [matuto magluto] since tumatanda na din naman ako at nage-endorse ako ng pagkain at ng mga gamit sa pagluluto," nagkanayon siya.

Kasamtangan na karong nangandam si Sarah alang sa iyang umaabot nga musical show sa ABS-CBN, ang Sarah G Live! nga matud pa magsugod na sunod buwan.

Wiez naghunahuna sa mga pobre

Asoy pa sa character actor nga si John Arcilla nagpakabana matud pa si “Bourne Legacy” lead actress Rachel Weisz kabahin sa mga pobre sa nasud.

 “Every break nagkukuwentuhan kami ni Rachel and she’s more concerned with the poverty in the Philippines. She’s asking if the people in the squatters area on the side are just numbers of poor people in the Philippines or are there more. Hindi na ako nahiya, sabi ko they’re a lot... and sabi niya are these the poorest I said no they’re not the poorest,” nagkanayon si Arcilla sa interview sa ANC kagahapon.

Si Arcilla dili na bag-o sa paggama og Hollywood movie sanglit nakaapil na siya sa mga pelikulang "Born on the Fourth of July" kauban si Tom Cruise ug  "McBain" kauban si Christopher Walken.

Pero giangkon niya nga mahugyaw gihapon siya matag higayon nga malakip siya og Hollywood movie.

“There’s this kilig... but sometimes you have to control it a little because sometimes you have this feeling you don’t wanna look like a fan... I have to be there as an actor to work with these actors,” nagkanayon si John.

Nahagit sa mga hinawayon

Gibutyag ni Anne Curtis sa Kris TV sa ABS-CBN kagahapon sa buntag nga ang mga pagsaway nga iyang nadawat kabahin sa maot matud pa ug alingugngog niya nga tingog.

"Na-bully ako when I was 25. Ano po yon sa Showtime, binully ako na pangit daw ang voice ko nakakarindi at ang ingay ko daw," niya pa. "What I did is pinersevere ko na magka-album and look at me now, magko-concert na ako sa Araneta. So you know whatever it is na binu-bully sa iyo just try and take it... Ignore them and pursue whatever it is or what it is that you want to be and just keep on being yourself and don't change who you are for anyone. Love yourself first before you love others," dugang pa niya.

Pwes, karon naghinamhinam ug nakulbaan na si Anne alang sa iyang umaabot nga solo major concert "Annebisyosa – No Other Concert World Tour," nga mahitabo sa Araneta Coliseum karong January 28.

Edgar ug Jolan nagpuyo gihapon?

Miulbo na usab karon ang isyu nga matud pa nga namakak si Edgar Allan Guzman sa publiko ug dili tinuod ang gipanabi niini sa una nga wala na sila nagpuyo sa iyang uyab nga si Jolan, kanhi Sexbomb member.

Kahinumduman nga misaad si Edgar sa iyang manager nga si Noel Ferrer nga dili na sila magpuyo-puyo ni Jolan. Apan sa miaging semana, wala gyud nalipat ang mga tsismosa gumikan kay nakit-an nila nga nag-grocery sila si Edgar ug Jolan ug pang-balay nga mga gamit ang ilang gipamalit.

Kanunay nga makit-an ang duha sa pagpanuroy busa naanad na ang mga tawo kanila sa higayon nga masubli ang report nga nagpuyo silang duha.

Bye HYY!

Mismong si ABS-CBN Corporate Communication head Bong Osorio na ang mipahibawo kagahapon nga kutob na lang gayud karong February 4, ang “Happy Yipee Yehey” (HYY).

Tapuson kini pinaagi sa grand finals sa "My Girl" search didto sa AFP Theater.

Mapasalamaton matud pa kaayo ang ABS-CBN sa tanang mga tawo nga naglangkob sa “Happy Yipee Yehey” gikan sa hosts ngadto na sa production staff nga naghiusa matag udto aron paghatag og "happy, yipee, yehey" experience sulod sa usa ka tuig.

 “We also extend our deepest gratitude to our viewers, here in the Philippines and in The Filipino Channel (TFC) markets worldwide, for their support to the program,” nagkanayon si Osorio. Suma pa niya, hatagan og project ang HYY hosts nga siguradong makalingaw sa mga “kapamilyas.”