Ikaw Na Gyud

CEBU, Philippines - Nauyunan og maayo sa TV5 production staff si American Idol first runner-up David Archuleta gumikan kay di matud pa arte. "Ang bait kasi, walang kaere-ere. Simple lang siya. Uupo lang siya riyan hanggat di namin pinakakawalan. Hindi nagde-demand. Ang bait! Ang problema lang ng staff sa kaniya ay nagno-nosebleed sila kaka-Ingles sa kaniya," nagkanayon ang Entertainment Head sa TV5 nga si Perci Intalan.

Lucy mipirma

Mipirma si Representative Lucy Torres-Gomez sa impeachment ni Chief Justice Renato Corona nga gisugdan na og husay sa Senado kagahapon sa hapon. Ang duha pa ka celebrity representatives nga sila si Pacquiao ug Lani Mercado wala mipirma.

Hugyaw ang Walang Hanggan

Gipasigarbo ni Ms. Susan Roces nga maayo gayud matud pa pagka direk nila ni Jerry Sineneng ug Trina Dayrit sa ilang teleserye “Walang Hanggan” base sa iyang nakita nga unang lima ka episodes. Lahi ra gyud matud pa ang chemistry nila ni Richard Gomez ug Dawn Zulueta.

Buotan si David

"We‘re very happy with David Archuleta," dugang pa ni Perci Intalan ngadto sa PEP. "He is a really nice guy. We were so worried about pleasing him, but we‘ve been told that David is a pleaser. He was worried about pleasing us!"

Gwapahan ni Julia

Suma pa ni Ms. Susan Roces haom gayud matud pa si Coco Martin sa role niini sa “Walang Hanggan” nga nagsugod na sa ABS-CBN kagabii. Ang leading lady niini nga si Julia Montes, "may mukha na mahihilera mo sa kapanahunan ni Jennifer Jones." Sa laing pagkasulti, "magandang bata, magandang mukha."

“Pasok sa banga”

Matud ni Maja Salvador ngadto sa PEP dili tinuod ang mga istorya nga wala siya mauyoni sa pamilya ni Matteo Guiducelli. Niya pa "A, hindi po. Pasok ang beauty ko!," ni Maja pa nga mikatawa.

Jewel “ma-maldita” og samot

Nanawagan og pagsabot si Jewel Mische ngadto sa mga fans sa Maria La Del Barrio nga sabton ang iyang character nga si Sabrina karon nga magka maldita na kini sa maong Pinoy adaptation sa maong Mexican series.

‘She (Sabrina) feels for herself. Nagmamahal lang naman siya eh. At saka, siya pa ang dahilan bakit nagkalapit muli sina Maria (Erich Gonzales) at Luis (Enchong Dee),” nagkanayon si Jewel dihang nahinabi atong Sabado sa gabii diha sa Gaisano Main.

Si Jewel ug Nasaan Ka Eliza? star Aldred Gatchalian maoy celebrity guests sa A Million Thanks Raffle Promo sa Gaisano Inc., diin nag-show pud sila sa Country Mall.

Gipadayag ni Jewel nga mapasalamaton kaayo siya sa ABS-CBN gumikan kay gipangga gayud siya og maayo pinaagi sa mga nindot nga proyekto nga gihatag ngadto kaniya.

Miingon hinuon si Jewel nga sa GMA-7 kaniadto gihatagan pud siya og break apan wala lang gayud kini mapadayon hinungdan nga mihinay ang iyang career.

Sa ABS-CBN matud pa, gipailawom gayud siya og subsob nga acting workshop samtang naningkamot pud siya mismo nga mulambo ang iyang abilidad.

Human matud pa sa Maria La Del Barrio may follow-up project na siya, apan midili siya pagdetalye kabahin niini sanglit wala pay pagtugot sa management.

Mipadayag hinuon siya nga ganahan siya og drama lang gihapon ang iyang musunod nga project sanglit buot niya nga mabaid pa gayud siya isip artista.

Kun kaniadto mibalibad siya sa usa ka indie movie kay dili niya mahimo ang gipangayo sa istorya, karon, buhaton na matud pa niya ang tanan basta maoy gikinahanglan sa iyang character. Pagtuo ni Jewel, andam na siya og mature roles.

“Gusto ko na mahasa pa ng mahasa,” saad pa niya.

Aldred loyal sa  ABS-CBN

Wala pay follow-up project si Aldred human sa Nasaan Ka Eliza? sa ABS-CBN diin hapit na pud mapupos ang iyang unom ka buwan nga kontrata sa talent arm sa network, Star Magic.

Apan magpabilin matud pa siya sa ABS-CBN sanglit loyal siya sa network. Gawas pa, may mga talents matud pa sa network nga hatagan gihapon og proyekto bisan wala nay kontrata sa Star Magic, basta dili lang mubalhin sa laing estasyon.

Hinuon miangkon siya nga may informal offer na siya nga nadawat gikan sa TV5 nga kun mulayat siya paingon sa maong network, himuon siya nga leading man ug hatagan siya og maayong projects.

‘May mga offer, pero pinag-isipan ko talaga,” nagkanayon siya, dungan sa pag-ingon nga “masaya naman ako sa ABS.” Pero sa pangutana kun unsa siya ka loyal sa ABS-CBN, tubag niya, “80%” in a scale of 100.

Ang 21-anyos nga si Aldred miingon nga musugot na siya og mag-topless apan kinahanglan nga pangandaman niya ang ingon niini. Mag-gym matud pa siya sanglit, push ups ra iyang matang sa exercise.

Samtang nagpaabot pa og proyekto, padayonon ni Aldred ang iyang kurso nga International Hospitality Management sa College of St. Benilde-La Salle.