Nag-deny na, Iza hindi rin nag-audition sa Bourne...

Nasa Hong Kong si Iza Calzado nang ku­malat ang tsismis na kasali siya sa cast ng Bourne Legacy.

Siyempre, hindi totoo ang balita dahil nag-deny ang kampo ni Iza pero open sila sa idea at puwedeng-puwede ang aktres kung may role para sa kanya.

Una nang nag-deny si Jericho Rosales na na­gulat din dahil hindi naman siya nag-audition para sa pelikula nina Jeremy Renner at Rachel Weisz.

Dedma lang si Sid Lucero na siguradong na­ta­­tawa dahil starring siya sa Legacy at hindi sa Bourne Legacy.

Kung may Pinoy man na ka-join sa cast ng Hollywood movie, ito ay sina John Arcilla at Lou Veloso. Confirmed na confirmed na ang pag-apir ni John sa Bourne Legacy dahil nagpainterbyu na siya.

Mga taga-protege ka-join sa biritera

Ka-join sa cast ng Biritera ang ilan sa mga contestant ng Protege, ang talent search show ng GMA 7 na nag-goodbye TV noong December 2011.

Kung hindi ako nagkakamali, cast member ng Biritera si Nomer Limatog, ang cute na bagets na mas gusto na maging singer kesa mag-artista.

Sa ayaw o gusto ni Nomer, magiging artista ito dahil magkakaroon nga siya ng participation sa Biritera.

Malaki ang chance ni Nomer na makilala at sumikat dahil sa kanyang karisma at talent sa pagkanta.

Paglaya ni Ronald Singson inaabangan, sagot sa pagpapakasal nila ni Lovi uuriratin!

Susubukan ng Startalk na mainterbyu si Ronald Singson, ang ex-congressman na lalaya ngayong hapon mula sa isang taon at anim  na buwan na pagkakakulong sa Hong Kong.

May nagsabi sa amin na 3:00 p.m. ang arrival ni Papa Ronald sa Pilipinas pero tutuloy siya sa bayan ng kanyang fadir na si Papa Chavit Singson sa Vigan, Ilocos Sur.

Kung papalarin ang Startalk, baka maintrebyu namin via phonepatch ang special someone ni Lovi Poe.

Maraming isyu na naghihintay ng sagot mula kay Papa Ronald tulad ng true ba na yayayain na niya na magpakasal si Lovi? Ano na ang status ng kanilang relasyon at ang mga plano niya ngayon na free as a bird na siya.

Naging showbiz issue ang kaso na kinasangkutan ni Papa Ronald dahil artista si Lovi. Lalong naging maingay ang kontrobersiya dahil mula sa mundo ng pulitika at showbiz ang mga sangkot na personalidad.

Basta abangan ninyo ngayong hapon ang Startalk dahil gagawa ng paraan ang aming staff na mainterbyu ng live si Papa Ronald.

Matalik na kaibigan ni Papa Ronald si Jomari Yllana. Knowing Jomari, natuwa siya sa paglaya ng kanyang friend at business partner.

Ang tanong, sumalubong kaya si Jomari sa pagdating ni Papa Ronald? Welcome ba kay Papa Chavit ang presence ni Jomari dahil pumutok noon ang balita na may tampo siya sa aktor dahil iniwan nito sa gitna ng laban ang kanyang anak.

Malambot ang puso ni Papa Chavit at sa pagkakakilala ko sa kanya, forgiving person siya. Kita n’yo naman, malalim ang naging ugat ng away nila noon ni Papa Erap Estrada pero nagkasundo sila.

Talagang ginagamot ng panahon ang mga sugat na bunga ng mga misunderstanding at miscommunication.

Huwag na nating asahan na susundo si Lovi kay Papa Ronald.

Nagsalita si Lovi sa presscon ng Legacy na hindi niya masasalubong o masusundo si Papa Ronald dahil may trabaho siya ngayon.

Hindi ipinagkakaila ni Lovi na ang career ang kanyang priority ngayon pero sinusubukan din niya na makipag-date.