Artista sa Sinulog
January 12
CEBU, Philippines - Talentadong Pinoy Audition
Fuente Osmeña Circle
4-5pm
“Sugod mga Kapatid sa Sinulog Show”
Fuente Osmeña Circle
5-7pm
Ruffa Gutierrez, Wendell Ramos and Edu Manzano with Alex Gonzaga, Arci Muñoz, Danita Paner, Ritz Azul, Eula Caballero, JC de Vera, Nina Jose, Morisette Amon Empoy Marquez, Andrew E., Faith Cuneta ug Talentadong Pinoy champ AstroBoy.
Sadsad sa Sinulog
Libreng disco uban sa mga paborito nimo nga MOR disc jockeys ug transition dj’s. Mahitabo kini karong Enero 13, 14 ug 15, sa atubangang bahin sa Emall, atubangan sa Cebu Coliseum.
Sinulog Kapamilya Caravan
Enero 14, 4:00 pm, Ayala Terraces uban sa Kapamilya stars nga sila si Gerald Anderson, Enchong Dee, Kaye Abad, Melai Cantiveros, Jason Francisco, Jason Gainza, Pooh, Ryan Bang ug mga local stars uban usab sa MOR disc jockeys.
January 14
Sinulog Sale ug mga artista sa Gaisano Main, Country Mall
Mopahigayon og labing dako nga baratilyo ang Gaisano Main ug Country Mall sugod karong Enero 13 hangtod 16. Gitawag kini og Sinulog Sale. Dili lang kay dagkong diskwento ang inyong maangkon, manghatag usab sila og rebate nga P100 sa matag pamalit ninyo og balor P1,500 sa dry goods department. Gawas niini, may mga baligya pa gayod nga tag-P1 lamang ang kantidad. Sa pagka Enero 14 adlaw nga Sabado, pagabolahon usab ang ikaduhang Mazda nga awto ug mga appliances sa A Million Thanks raffle promo. Atol sa maong pagbola makita sa personal ang mga sikat nga artista nga sila si Jewel Mische ug Aldred Gatchalian (6pm sa Main, 8pm sa Mall) nga maoy molingaw sa mga shoppers.
Busa ayaw kamo paglangay, pamalit na kamo sa Gaisano Main ug Gaisano Country Mall aron dako ang madaginot ug may kahigayunan pa gayod kamo sa pagdaug og mga minilyong kantidad nga mga papremyo.
32nd Cebu Pop
Gisugdan nato adtong Enero 3, ang pagsinati sa mga mugna nga maoy magtigi sa umaabot nga 32nd Cebu Popular Music Festival karong Enero 13, Biyernes, alas otso sa gabii (8pm) diha sa Cebu Coliseum. Ang ticket mapalit diha sa University of the Visayas alumni office sa 2555741. Nagkantidad ang ticket og P300, P200, P100 ug P50.
Ang Grand Prize winner makadawat og P150k, ang Second Placer makadawat og P100k.
Ug ang Third Placer may 50k. Samtang ang Best Interpreter makaangkon og P10k ug Qualifying Prize P15k.
Ang Cebu Pop tinuig nga kalihukan ubos sa paningkamot ni First District Representative Eduardo Gullas, isip pagtamod ug pagpalambo sa Sugbuanong Musika. Si Atty. Joseph Baduel maoy project director karong tuiga.
Nasinati na ninyo ang unang walo ka entries nga mao ang “Bunga” nga mugna ni Fernando Gabutan, Weder Weder Lang ni Peter Flordelis, Ning Awit Handumon Ko Ikaw ni Engr. Bernard Gocela, Adlaw Sa Gugma ni Vincent James Eco, Cebu, Gihigugma Ka ni Bienvenido Racho,Tug-Ani Ko ni Dennis Martin, Kagahapon Mo ni Norman Jabonero ug Sa Imong Paglakaw ni Archie J. Lesiguez. Karon ania ang ikasiyam ug ikanapu nga entries:
DISKARTE, ESTORYAHE
Composer: Russel “Ching” Alegado
Lyricist: Yoogin Raye Anthony P.Burgos
Arranger: Russel Alegado
Interpreter: Ronil Vincent A. Watin
Ako usa ka gwapong istambay
Kanunay mag-atang sa mga chicks nga manglabay
Modiskarte kanila kanunay
Kay kini tambal sa mga kalaay
Sama sa hangin ka ba inday
Gihupay mo ang akong kalaay
Tsinelas ka ba kay kauban ka kanunay sa akong gilaktan
Chorus:
Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte
Ako usa ka gwapong istambay
Nagsunod-sunod sa uso karon
Mga diskarte nga duyog sa panahon
Pakilig alang kang inday
Sama sa hangin ka ba inday
Gihupay mo ang akong kalaay
Sapatos kaba kay kauban ka kanunay
Sa akong padulngan
Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte
Bridge:
Mga saad ug panumpa, pasalig ug pagdayeg
Kutob lang sa dila kay ang tanan diskarte lang…diskarte lang…
Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte
Ako modiskarte…estoryahe!!!
WÂ LA’Y SUYAAY
Composer: Dr. Nicholas Escario Jr.
Lyricist: Alexander Franco Delantar
Arranger: Joel Oporto / Dr.Nic Escario
Interpreter: Christian Cayobit
I
Nagtukod ko ug balay;
Iyang gisaway
Kay kuno dili hayahay;
Iyang gisaway;
May seksing milabay;
Iyang gisaway
Ang paang puti hala law-ay!
II
May bag-o kong trabaho,
Giyam-iran mo;
Kay kuno gamay ang sweldo!
Giyam-iran mo;
Nangutang ko’g awto,
Iyang gibato;
Nangutang ko’g awto,
Iyang gibato;
Ambot lang kaha kun ngano!
Refrain:
Dali ra bay
Dali ra bay – Bay, Bay
Di’ ‘ta lambay!
Kun mokatkat ko,
Saka’g imo!
Masmakabira ko nimo,
Kun sa taas na ako!
Wâ la’y suyaay,
Wâ la’y suyaay,
Di’ ba okey bay?
III
Kun duna ‘tay trabaho,
Dili ba gwapo?
Asenso ang atong baryo!
Kun duna ‘tay awto
Suroy-suroy ta’g maayo
Suroy-suroy ta’g maayo
Suroy-suroy ta’g maayo
Suroy-suroy ta’g maayo
Sa dagat ta kada Domingo!
[Repeat Refrain]
[Coda]
Wâ la’y suyaay,
Wâ la’y suyaay,
Wâ la’y suyaay… (BANAT NEWS)
- Latest
