Duaw man lage

CEBU, Philippines - Si Ilocos Sur Gov. Chavit Singson mismo ang misaysay nga miduaw gyud diay si Lovi Poe ngadto sa iyang anak nga si Ronald sa Hong Kong jail niadtong November 2011 sukwahi sa pangangkon sa aktres kaniadto nga dili una siya moduaw sa maong prisohan.

Nora nakalarga na

Nadayon na gyud niadtong Domingo sa gabii ang paglarga ni Superstar Nora Aunor didto sa Amerika aron ipaubos sa operasyon ang iyang vocal chords.

Rachel naglikay sa media

Daghan ang naminghoy nga mga press ngadto kang 'Bourne Legacy' actress nga si Rachel Weisz sa dihang wala kini nagpa-interview pag-abot niini dinhi sa Pilipinas sa milabay nga adlaw..

Miriam gipangandoy ni Kis

Suma pa ni Kris Aquino nga kinahanglan niya ang suporta ni Senador Miriam Santiago sa ipahigayon nga impeachment trial batok kang Chief Justice Renato Corona.

Pokwang nagpatabang sa mga madre

Gikatahong midangop gyud si Pokwang sa mga madre aron magpatabang og ampo nga magmalampuson sa box office ang pelikula niya nga A Mother’s Story.

Raymart ug Claudine okay na

Matud pa nga nagtingog na ang magtiayon nga sila si Raymart Santiago ug Claudine Barretto, gani nagplano ang duha nga mubakasyon og kapin sa duha ka semana sa Europe.

Supportive nga uyab

Gikilig pag-ayo si Anne Curtis sa gibuhat sa iyang uyab nga si Erwan Heussaff gumikan kay mipalit kini og daghang tickets sa umaabot nga concert sa aktres ug gihatag ngadto sa iyang mga ginikanan ug kahigalaan.

HYY manamilit?

Gidungog karon nga nasagmuyo na ang mga hosts sa Happy Yipee Yehey! nga sila si Randy Santiago, John Estrada, Pokwang, Rico J. Puno, ug Toni Gonzaga human mitumaw ang taho nga wagtangon na sa dili madugay ang maong programa.

Star Magic Office

Mitambong sa blessing sa bag-ong Star Magic office sa 11th floor sa ELJ Bldg sa ABS-CBN kagahapon ang ilang contract stars nga sila si Maricar Reyes, Nikki Valdez, Vina Morales, Shaina Magdayao, Jed Madela, Albie Casino, ug Jessy Mendiola. Sila si Piolo Pascual, Maricar Reyes, Pokwang, Mariole Alberto, ug Johnny Manahan ang nag-cut sa ribbon atol sa blessing.

Wala magpaabot og gugma

Malaumon si Melissa Ricks nga mas mabungahon ang iyang 2012 sa showbiz, ilabi na nga lakip siya sa dakong teleserye sa ABS-CBN, ang “Walang Hanggan.” Giklaro pud ni Melissa nga malipayon siya bisan wala siya’y uyab, ug niya pa, muabot ra ang gugma sa tukmang panahon bisan dili paabuton.

Buwag na sa bana

Buwag na diay matud pa si Beth Tamayo sa iyang bana sukad pa adtong December 2008. Si Beth nga exclusive nga nahinabi sa usa ka correspondent sa Paparazzi didto sa New York, miingon nga nanghinaot siya nga magkahigala sila pag-usab sa iyang bana nga si Johnny Wong. Padayon pa nga gi-proseso ang gikinahanglan aron mahimong legal ang ilang panagbuwag.

Maayo mu-host si Mikael

Gidayeg ang hosting skill ni Mikael Daez sa Party Pilipinas adtong Domingo. Gawas nga gwapo ug taas, matud pa abtik si Mikael maka adlib ug diretso gyud ang pag-deliver sa iyang spiels.

Judge Martin

Tsika ni Martin Nievera nga usa siya sa mga judges sa X-Factor Philippines sa ABS-CBN nga mulugwa sa tunga-tungang bahin niining tuiga. Wala siyay ideya kinsay iyang makauban sa judges’ panel, basta ang sigurado si KC Concepcion maoy mu-host.

Wa mataypi si Sam

Mitiyabaw ang mga fans ni Sam Pinto nga dili matud pa makatarunganon ang wala pagkalakip sa kasamtangang FHM Philippines Sexiest sa trailer sa umaabot nga teleserye sa GMA-7, ang Legacy. Usa matud pa sa main casts si Sam, apan sila ra gyud ni Lovi Poe, Heart Evangelista, ug Alessandra de Rossi kauban ang ilang mga pares ang gipakita.

Dong mulugwa sa Amaya

May cameo appearance sa finale sa Amaya ang boyfriend ni Marian Rivera nga si Dingdong Dantes karong Biyernes, January 13. Mulugwa pud sila si Kris Bernal ug Rocco Nacino.

Beyonce Knowles nanganak na

Gihimugso na sa singer nga si Beyonce Knowles ang himsog nga baby girl nila ni Jay-Z niadtong Sabado.

Ang singer nanganak sa Lenox Hill Hospital sa New York ug ang bata ginganlan og Blue Ivy Carter.

Samtang mi-post usab og mensahe sa iyang Twitter ang igsuon ni Beyonce nga si   Solange Knowles ug gihulagway niya ang iyang pag-umangkon og "most beautiful girl in the world".

Samtang nagbaha usab sa Twitter ang mga mensahe sa mga kaubanan ni Beyonce sa music industry. "Welcome to the world princess Carter!. "Love Aunty Rih,” suma pa ni Rihanna.

Mipahalipay usab kang Beyonce ug Jay-Z ang singer nga si Gwyneth Paltrow ug kini nagkanayon og,” Welcome to the world Blue.We love you already."

Suma pa sa migawas nga report nga giabangan gyud nila ni Beyonce ug Jay-Z ang tibuok fourth floor sa Lenox Hill Hospital sa kantidad nga $1.3 million.

Samtang nagbaha na usab ang mga security guards sa maong tambalan aron malikayan ang posibleng pagdagsang sa mga fans sa singer.

Kamot ni Tyron positibo sa gunpowder nitrates

Nakuha na sa kapulisan ang resulta sa paraffin examination sa patay nga lawas sa aktor nga si Tyron Perez.

Nagkanayon si Senior Inspector Arthur Quiñonez sa Valenzuela City Police Station nga positibo ang tuo nga kamot ni Tyron nga dunay gunpowder nitrates samtang negatibo usab ang walang kamot.

Gitataw hinuon ni Quiñonez nga wala pa hingpit nga masira ang kaso gumikan kay gipaabot pa nila ang resulta sa “digital forensic examination”.

Matud pa niya nga kung makuha na ang resulta sa nahisgutang eksaminasyon, dinhi na nila madeklarar nga sirado na ang kaso ug matino na usab kung naghikog ba ang aktor o wala.

Kahinumduman nga sa   ballistic ug autopsy results sa lawas ni Tyron, nasayran nga ang “gun shot” maoy namatyan sa aktor.

Sa gihimong ballistic report nasuta usab nga ang na-recover nila nga pusil sa kilid ni Tyron maoy gigamit sa pagpusil sa aktor.