32nd Cebu Pop

CEBU, Philippines - Gisugdan nato adtong Enero 3, ang pagsinati sa mga mugna nga maoy magtigi sa umaabot nga 32nd Cebu Popular Music Festival karong Enero 13, Biyernes, alas otso sa gabii (8pm) diha sa Cebu Coliseum. Ang ticket mapalit diha sa University of the Visayas alumni office sa 2555741. Nagkantidad ang ticket og P300, P200, P100 ug P50.

Ang Grand Prize winner makadawat og P150k, ang Second Placer makadawat og P100k

Ug ang Third Placer may 50k. Samtang ang Best Interpreter makaangkon og P10k ug Qualifying Prize P15k. Ang Cebu Pop tinuig nga kalihukan ubos sa paningkamot ni First District Representative Eduardo Gullas, isip pagtamod ug pagpalambo sa Sugbuanong Musika. Si Atty. Joseph Baduel maoy project director karong tuiga.

Nasinati na ninyo ang unom duha ka entries nga mao ang “Bunga” nga mugna ni Fernando Gabutan, Weder Weder Lang ni Peter Flordelis, Ning Awit Handumon Ko Ikaw ni Engr. Bernard Gocela, Adlaw Sa Gugma ni Vincent James Eco, Cebu, Gihigugma Ka ni Bienvenido Racho ug Tug-Ani Ko ni Dennis Martin. Karon ania ang ikapito ug ikawalo nga entries:

Kagahapon mo

Composer: Norman Jabonero

Lyricist: Gweendolyn Crescencio

Arranger: Nendel Endrina

Interpreter: Japril Yap

Sa kapunaw-punawan ako gi-anod

Sa mabugnaw’ng hangin ako nikuyog

Sa puting kalangitan nakita ko ang telon

Sa katam-is sa akong kagahapon.

Pagkaanindot sa akong kabatan-on

Puno sa pagmaya, gugma akong naangkon

Luyo sa kawad-on ako gi-agak

Sa bisyo wala mahitumpawak.

Chorus:

Nakita ko sa telon ang akong kagahapon

Luha sa nanamilit nidagayday

Anugon tawong lunsay, buotan ug tiunay

Kinabuhi niya handumon kanunay

Panig-ingnan sumbanan matag lakbit saysay

Bisan ako mopanaw na.

Mabuntog ko ang unos nga mi-ulipon

Sa pagsulay ako nagmaampoon

Sa mga higala ako ni-unong

Kinabuhi ko nagtuyok walay hunong.

(repeat chorus)

Coda:

Ang kagahapon mo…

SA IMONG PAGLAKAW

Composer/ Lyricist:

Archie J. Lesiguez

Arranger: Art Ramasasa

and Archie Lesiguez

Interpreter: Reggie Tortugo

Berso 1

Handumon ko na lang

Sa damgo ang tanan

Karong gikalimtan mo

Ang saad mong

ikaw lang ug ako.

Berso 2

Daw hangin nilupad

Mga pasalig mong bakak

Unsa ba’y hinungdan

Nga imong gibiyaan?

Pagka-anugon lang

Nganong gitalikdan?

Koro

Sa imong paglakaw

Kalit na lang nalarag ang tanan,

Mga pangandoy ko

Nahanaw sama sa usa ka damgo,

Mag-unsa na lang kining dughang

Gibiyaang samaran?

Ang kasing-kasing ko nagatuwaw

Sa imong paglakaw.

Instrumental

Sa imong paglakaw…

Tulay:

Antison ko na lang

Ihilak ko ang tanan sa tago

Ang gibati ko

(Utrohon ang koro)

..Lakaw

December 25-January 7

MMFF 2011 Final and Official Result

1. Enteng Ng Ina Mo - P237,879,178.70

2. Segunda Mano - P126,630,979.00

3. Panday 2 - P105,603,500.25

4. My Househusband: Ikaw Na! - P62,074,350.58

5. Shake Rattle & Roll 13 - P55,484,185.89

6. Manila Kingpin: The Asiong Salonga Story - P38,437,416.80

7. Yesterday Today Tomorrow - P10,682,902.35

Total Gross: P636,792,509.57,