Kilalang personalidad ayaw pag-usapan ang pag-oober da bakod

Ayaw pag-usapan ng kilalang personalidad ang paglipat niya sa ibang television network bilang respeto sa TV station na kanyang pinanggalingan.

Umaasa naman ang friends ng kilalang personalidad na magbabago ang kanyang isip at hindi na niya itutuloy ang plano na pag-ober da bakod.

Edward Norton hinihintay na ng mga Pinoy

Isa-isa nang dumarating sa ating bayan ang mga artista ng Bourne Legacy. Nandito na sina Jeremy Renner at Rachel Weisz pero ang pagdating ni Edward Norton sa Maynila ang hinihintay ng mara­ming Pinoy dahil mas popular siya kesa kay Jeremy.

May mga kilala ako na mga Pinoy stars na gustong ma-meet in person ang mga artista ng Bourne Legacy at sure ako na matutupad ang kanilang pangarap dahil sa mga contact persons nila.

In na in sa Pilipinas ang word na legacy ha? Naumpisahan ito ng shooting ng Bourne Legacy sa Pilipinas at next week naman, magsisimula nang mapanood sa GMA 7 ang Legacy.

Rhian natulungan ng bakasyon

Lumipad si Rhian Ramos sa Las Vegas, Nevada noong Sabado dahil may dadaluhan siya na convention bilang endorser ng isang produkto.

Nakatulong kay Rhian ang pagbabakasyon dahil nakapagpahinga siya at maraming na-realize sa mga pagsubok na kanyang hinarap.

Nagpapasalamat si Rhian sa mga tao na nagbigay sa kanya ng emotional at moral support na na­ging inspirasyon niya para maging matatag.

Si Rhian nga pala ang cover girl ng December 2011 at January 2012 issue ng Blush Magazine. Nakita ko na ang kopya ng magazine at nakakatiyak ako na hindi dumaan sa Photoshop ang magandang litrato ni Rhian.

Ramona, suspek din sa pagkakalat  ng sex video ng kapatid

Mabigat ang akusasyon ng kampo ni Janelle Manahan na si Ramona Bautista ang nag-upload sa Internet ng video ng mga intimate moments nila ni Ramgen Revilla.

Dapat patunayan ni Ramona na walang katotohanan ang bintang sa kanya pero paano niya maipagtatanggol ang sarili kung nasa Cyprus siya?

Si Ramona ang suspect sa pagpatay sa sariling kapatid at ngayon, siya ang itinuturo na nagkalat sa Internet ng sex video nina Janelle at Ramgen dahil na-trace ng mga imbestigador na nag-originate sa Europe ang kopya ng sex video.

Ewan ko lang kung may peace of mind pa si Ramona dahil sa mga kasalanan na isinisisi sa kanya.

Marami pang artista  kukunin ng Flawless

May meeting ako ngayon sa mga bossing ng Flawless, ang leading beauty clinic ng bansa. Kasama sa agenda ng meeting ang plano ng Flawless na magdagdag ng mga celebrity endorsers at ang mga beauty campaigns nila para sa 2012.

Sinu-sino na nga ba ang mga endorsers ng Flawless? Nariyan sina Richard Gutierrez, Lorna Tolentino, AiAi Delas Alas, Judy Ann Santos, Iza Calzado, Mark Herras, at Yasmien Kurdi.