Tyron nakaplagang patay sa iyang sakyanan

CEBU, Philippines - Usa ka samad pinusilan ang nadiskubre sa tuo nga bahin sa ulo sa 26 anyos nga young actor nga si Tyron Perez nga maoy hinungdan sa kamatayon niini. Kini maoy “findings” sa imbestigador sa SOCO (Scene of the Crime Operative).

Gikatahong “suicide” maoy usa sa gilantaw nga anggulo sa kamatayon sa aktor ilabi na nga "self-inflicted" ang gunshot.

Hinuon wala usab papasa ang posibilidad nga "set up" ang maong panghitabo.

Nakaplagan nga wala na’y kinabuhi ang Starstruck alumnus nga si Tyron sa sulod sa iyang sakyanan nga Toyota Altis nga nakapuwesto sa service road sa North Luzon Expressway, duol sa Barangay Ugong, Valenzuela.

Nagbangotan pag-ayo ang asawa sa aktor nga si Liv Espino, usa ka flight attendant kung diin nagpakasal sila niini niadtong May 27, 2009.

Sa Twitter account ni Liv, tataw nga wala dayon kini katoo sa nahitabo sa iyang bana..

"The hardest part of the day is choosing a casket for a husband and a best friend.Now everything is starting to sink in.Unimaginable!,” suma pa ni Liv.

Samtang mitumaw usab karon ang mga hungihong nga “not in good terms” karon ang magtiayon ug giingong wala sila nag-uban niadtong Pasko.

Nagpadayon gihapon karon ang imbestigasyon sa kapulisan sa pagtino sa rason sa kamatayon sa aktor.

Nakugang ang mga suod nga higala ni Tyron Perez sa showbiz industry ilabi na kadtong mga ka-batch niya sa Star Struck.

Usa sa unang mi-post sa social networking site nga Twitter mao ang screen partner ni Tyron kaniadto nga Nadine Samonte.

Suma pa sa post ni Nadine: "rip tyrone perez nakakashock naman... Anung daw nangyari?"

Gawas kang Nadine , ka-batch usab ni Tyron kaniadto sila si Ranier Castillo, Katrina Halili, Sheena Halili, Jennylyn Mercado, Yasmin Curdi, Jade Lopez, Christian Esteban, ug Mark Herras.

Samtang nakugang usab ang bida sa Reputasyon nga si Cristine Reyes sa dihang nasayran niya ang maong balita.

Mao kini ang gi-post ni Cristine sa iyang Twitter account, "nang-iwan ka na naman sa ere bro! Andito kame! May plano pa tayo di ba? Bakit??"RIP kapatid. Ang saya saya lang natin sa baha mo nila @jadehanzel at @chrisesteban24 sana tinawagan mo na lang kami kapatid :-("

Si Jade usab nag-post hulagway sa last dinner" picture nila ni Cristine ug Christian kung diin kauban nila niadtong higayona si Tyron.

Samtang ang mensahe ni Sheena sa iyang higala nagkanayon , "I will miss you" ug "Sabi mo mag-rereunion tayo!".

Grabe ang gibating kaguol ni Sheena gumikan kay nagsabot pa sila nga mag-reunion uban sa mga ka-batch nila sa Star Struck.

Natawo si Tyron sa Brgy. Alfonso, Concepcion, Tarlac ug anak siya sa mga mag-uuma, gani ang ilang humayan maoy nagsilbi niya nga “playground kaniadto. Siya maoy kinamanghoran sa unom ka magsuon.

Nagtungha siya kaniadto sa kursong Fine Arts studies sa Bulacan State University apan nahunong kini sukad siya nisalmot sa GMA star-search nga StarStruck niadtong 2003.

Fretzie moduaw sa Guadalupe

Ang Parish Youth Coordinating Council-Guadalupe mopahigayon karong adlawa sa ilang tinuig nga Pasko sa Kabataan kung diin 100 ka mga kabos nga bata ang benipesyaryo niini.

Ang maong kalihukan gisuportahan usab sa pipila ka mga parokyano sa Guadalupe uban sa pag-abag nila ni Msgr. Jose Montecillo ug Fr. Arven Pretilla.

Ipahigayon ang maong kalihukan karong buntag diha sa Guadalupe Sports Complex. Mohatag usab og kalingawan sa mga bata ang kanhi Pinoy Big Brother housemate nga si Fretzie Bercede.    

Mohatag usab sa ilang partisipasyon sila si Kapitan Michael Gacasan, Cerj Michael ang mga disc jockeys nga sila DJ Kim Rimrusssel ug DJ Sugar sa Wild FM ug DJ Radcliffe sa 93.9 IFM.