Manny mobalhin na

CEBU, Philippines - Sa pagsulod sa 2012, mobalhin na ang pamilya ni Manny Pacquiao sa ilang mansion sa Forbes Park nga nagkantidad og kapin sa P300 milyones.

Lifestyle ang tirada

Gipadayag sa beauty queen nga si Shamcey Supsup nga kung tanyagan siya og TV program, ganahan siya nga lifestyle ang format niini.

Kim mobisita sa Mindanao

Gikatakdang mobisita sunod adlaw si Kim Chiu sa Mindanao aron mohimo og relief operation sa pipila ka parte sa maong dapit nga giigo og dakong baha.

Gerald nagpasko sa CDO

Sa Cagayan de Oro nag-selebrar si Gerald Anderson sa Pasko uban sa mga biktima sa Bagyong Sendong.

Kris uyon sa foreigner

Tsika pa ni Kris Aquino nga bukas siya sa posibilidad nga makabaton og uyab nga foreigner ug iya kining gibutyag gumikan sa mga tagna nga matud pa duna siya’y maila-ila nga lalaki nga gikan sa laing nasud.

Hotel ni Katrina tukuron na

Gikatahong sugdan sa unang quarter sunod tuig ang konstruksyon sa ipatukod nga hotel ug resort ni Katrina Halili sa Palawan.

Lady Gaga gika-sohan sa kanhi assistant

Nag-atubang og kaso gikan sa iyang kanhi personal assistant ang international singer nga si Lady Gaga.

Gipadayag sa kanhi assistant sa singer nga si Jennifer O'Neill nga 13 buwan siya nga nagsilbi kang Lady Gaga apan wala siya makadawat og overtime pay nga moabot ngadto sa $380,000.

Dugang pa niya nga grabe ka demanding sa schedule ang kanhi niya amo.

Samtang ang kampo ni Lady Gaga mipagamay lang sa maong kaso gumikan kay wala kini klarong basehan.

Bangs pang-best supporting actress

Pang-best supporting actress matud pa ang performance ni Bangs Garcia sa ‘Segunda Mano.” Suma pa ni Vice Ganda, dili siya mahibulong kun mudaog si Bangs, sanglit mao ni ang labing maayo nga performance sa dalaga sukad-sukad.

Anne matinabangon

May bag-ong product endorsement si Anne Curtis ug gipahigayon ang contract signing niya didto sa Viva office kagahapon. Ang nakanindot matud pa ni Anne kay misugot ang kompaniya nga kada “design” ni Anne nga mahalin, tipik sa halin adto mupadung sa charitable institution nga iyang mapilian o buot suportahan.

Gamay ra

Gipahungaw ni Ping Medina pinaagi sa iyang Twitter account kagahapon ang iyang kaguol nga 32 theatres ra ang nagpasalida sa ilang pelikula “Asiong Salonga”, itandi sa 47 ka mga sinehan nga nagpakita sa Enteng Ng Ina Mo.

Target ni Ai Ai

Panghinaot ni Ai Ai delas Alas nga malabwan sa iyang pelikula Enteng ng Ina Mo ang box office gross sa “No Other Woman” ug “Praybeyt Benjamin.” Wala matud pay artista nga wala mangandoy nga makamugna og bag-ong record sa Philippine cinema. Apan kun dili itugot, dili ra niya ikasakit.

Bea ug Zanjoe sa Metro Mag

Ang mag-uyab nga Bea Alonzo ug Zanjoe Marudo maoy cover sa Metro Magazine January 2012 edition kung diin giila sila isip “hottest celebrity couple” .Ang sikat nga photographer nga si Xander Angeles maoy nagpaluyo sa hugyaw nila nga pose.

Angel misakripisyo

Wala gyud mopalit si Angel Locsin og Christmas gift alang sa iyang kaugalingon gumikan kay gipili niya nga mohatag og donasyon sa mga biktima sa Bagyong Sendong didto sa Cagayan de Oro. Suma pa ni Angel nga mao kini ang praktikal nga pamaagi sa pagselebrar sa Pasko, ang makatabang sa isigkatawo.