Piolo tinapatan ng charity works ang 'pag-iyak' ni KC

Seen : Natabunan ng sunud-sunod na charity works ni Piolo Pascual ang malaking isyu ng break up nila ni KC Concepcion.

Hindi nawawalan ng media coverage ang mga outreach program na pinupuntahan ni Piolo.

Scene : Pinapayuhan ang mga motorista na iwasan ngayong hapon ang Roxas Boulevard dahil sa engrandeng Parade of Stars ng 37th Metro Manila Film Festival.

Scene : Ang kuwento ni Derrick Monasterio na fake ang mga eksena na nagmamaneho sila ni Barbie Forteza ng sasakyan sa pelikulang The Road dahil hindi pa sila marunong mag-drive.

Seen : Ibebenta ni Pokwang ang kanyang mga sapatos at gown. Ibibigay ni Pokwang sa mga biktima ng Typhoon Sendong ang malilikom na pera mula sa personal effects niya na mabibili sa December 27 to January 3, 2012 sa Bing Cristobal Hauz of Fashion sa 57-D A. Roces Avenue, Barangay La­ging Handa, Quezon City

Scene : Mapapanood si Agot Isidro sa dalawang pelikula na official entry sa MMFF 2011, ang Yesterday Today Tomorrow ng Regal Films at My Househusband: Ikaw Na ng OctoArts Films.

Seen: One of the most hated sa local showbiz si Mo Twister. Negatibung-negatibo ang image ni Mo Twister dahil sa mga pagbubunyag niya sa mga nangyari sa relasyon nila ni Rhian Ramos.

Scene: Lumalaylay ang kuwento ng Glamorosa ng TV5 dahil hindi na believable ang mga eksena.

Malaking improvement ang dapat gawin ng scriptwriter bago tuluyang iwanan ng viewers ang panonood sa Glamorosa.