Kris gipadalhan og buwak

CEBU, Philippines - Nakugang si Kris Bernal gumikan kay dunay nagpadala kaniya og buwak atol sa premiere night sa pelikulang Panday 2. Nasuta nga gikan ang maong buwak sa iyang admirer nga si Jolo Revilla.

Unang anibersaryo

Giselebrar nila ni Regine Velasquez ug Ogie Alcasid ang ilang first anniversary sa Batangas kagahapon uban sa ilang anak nga si baby Nate.Grabe ang gibating kalipay ni Regine gumikan kay nakabaton na gyud siya og pamilya.

Ate V nahugyaw sa anak

Tsika pa ni Vilma Santos nga ang tinigom nga P1,800 nga budget sa iyang anak nga si Ryan Christian nga pangregalo unta sa classmates niini, gidonar alang sa mga tawo nga naapektohan pag-ayo sa bagyong Sendong hinungdan nga proud kaayo si Ate V sa iyang anak.

YTT naproblema?

Mikatatap karon ang hungihong nga dunay ginagmay nga problema sa Movie and Television Review and Classification Board (MTRCB) ang pipila ka mga eksena sa Yesterday Today Tomorrow, ang official entry sa Regal Entertainment, Inc. sa 2011 Metro Manila Film Festival (MMFF).

Rosanna nangutang?

Giingong tigpangutang diay si Rosana Roces ngadto kang Nora Aunor apan ang nahiuna wala gihapon motingog sa maong isyu. Nagkasuod ang duha sa dihang nagkauban sila sa usa ka serye sa TV 5 kaniadto.

Sakyanan ni Mariel gisakripisyohan

Gianunsiyo ni Mariel Rodriguez sa programang Wil Time Bigtime nga imbes mopalit siya og bag-ong sakyanan ,mo-donate na lang sila sa iyang bana nga si Robin Padilla ug P1 million para sa mga biktima sa bagyong Sendong. Giingong gidala mismo ni Mariel sa show ang usa ka milyon nga nakabutang sa trolley bag.

Chienna nakaangkon og P.5 M

Ang Star Magic artist nga si Chienna Filomeno maoy mingduwa sa jackpot round sa Susi ng Kapalaran game sa “Happy Yipee Yehey’” kagahapon ug ang nadag-an niini mao ang P500,000 nga cash. Ang iyang daug gikatakda niya nga idonar alang sa mga tawo didto sa Iligan ug Cagayan nga nawad-an og mga panimalay gumikan sa dakong baha.

Luis motabang pud

Tua pa sa Bohol si Luis Manzano apan nisaad kini nga mohatag og hinabang alang sa mga biktima sa flash flood didto sa Cagayan de Oro ug Iligan. Tsika pa ni Luis ngadto sa iyang Mommy Vilma Santos, "Mommy, abonohan mo muna." (Sanden J. Anadia)

Kylie ug

Aljur nagkahanap?

Gidungog nga nagkahanap na ang relasyon nila ni Kylie Padilla ug Aljur Abrenica apan wala mohatag og komento ang duha ka kampo kalabot sa maong isyu.

Paulo padung na maghubo

Matud pa nga makita ang pipila ka bahin sa sampot ni Paulo Avelino sa sexy nga eksena nila ni Solenn Heussaff sa pelikula nga Yesterday Today Tomorrow.

LT 50 anyos na

Karon ang ika-50 ka tuig nga adlaw’ng natawhan ni Lorna Tolentino apan wala siya’y bongga nga party gumikan kay adto ra siya moistar karon sa iyang farm sa Cavite.

Mo: Dili ako uy!

Gihimakak ni Mo Twister ang mga pasangil nga siya maoy nag-upload sa bag-ong video nga mikatap karon sa YouTube kung diin naghagkanay sila sa kanhi niya uyab nga si Rhian Ramos.

Jolo nanamilit sa showbiz

Daghang mga proyekto ang mabiyaan ni Jolo Revilla sa higayon nga molarga na siya paingon sa Amerika aron magpa-check up sa iyang migraine ug temporaryo una siya nga mobiya sa showbiz.

Arnel nagpabilin sa Journey

Tsika pa ni Arnel Pineda nga dili tinuod ang balita nga matud pa wala na siya sa banda nga "Journey”, gani padayon nga nagbaha ang ilang mga gigs.