Pasko Na Gyud

Merry Christmas mga Ka Tribung BisChikadora!!!!!!

Hugyaw kung Hugyaw na gyud ang mga mugna sa mga Christmas Party nga atong gipangtambungan. Malipayon kaayo ang inyong Yur’s truly kay sa ikaduhang higayon usa ako sa mga nahimong hosts sa Christmas party sa The Freeman Newspaper kauban si Ate Malou nga baba-on sad kaayo. Bisan na-late ko gamay kay go lang ng go akong drama ug karung tuiga ang theme sa Christmas party sa The Freeman kay “in the navy” busa nagkalain laing mga pasundayag ang gipakita sa matag departamento   nga may kalabutan sa navy. Congratulations sa mga winners ug sa Banat News nangayo ko og pasensiya nga wala gyud ko nakaapil sa mga praktis. Hugyaw rapud kaayo kay naa si Manay Kris ug Sanden nga bigay todo gyud sa maong theme nga in the navy. Nakahinumdum uroy ko sa usa ka binuhat nga niagi sa akong kinabuhi nga usa ka marine student. Maayo nalang nga niagi ra gyud siya ug nadala ra nako og pahiyom ang iyang gibuhat nako, mao nga karon ang inyong Yur’s truly kay looking forward na sa 2012. Kahibalo ko nga nibasa gyud siya karun kay Banat reader man ang iyang family. Mao nga sekreto lang! Palihug lang ayaw na sige og text nako ug padala og mga mensahe kay naka move on na ko! Ana lang!!!! 

Isip sayong pinaskuhan sa GMA 7 Cebu ayaw kalimti karong adlawa alas otso sa buntag sa inyong Kapuso Network inyong masaksihan na usab ang usa ka biyahe sa Luzon, Visayas ug Mindanao kung diin ang atong mga Kapuso stars mao ang mihatod mismo og kalingawan. Dili lang kantahan ug sayawan ang mga nahitabo, adunay mga duwa nga makalingaw gyud. Samtang gumikan sa Kapuso Mall Show nindot kaayo pamalandungon nga adunay usa ka grupo nga nagkahiusa para mamahimo namong fans ni Anna Igpit, ang Ann-Yur the Kapuso Mall Show Fans Club kung kinsa sila? Usa sa mga hugna sa atong BisChika ato silang ilailahon.

Mapasalamaton kaayo ang inyong Yur’s truly sa mga BisChikadora sa dako kaayo ninyong suporta ug dili ko mapul-an og balik balik og pasalamat ninyong tanan kay kung dili tungod ninyo wala ko karon sa BisChika magmalungtaron. Sa umaabot pa nga katuigan manghinaut ko nga naa lang gihapon mo. Sa among editor nga si Ryan Mark nga naghatag nako og higayon, salamat. Ana lang!!!!

Malipayong Pasko kaninyong tanan!!!!