Vice Ganda magpa-party sa Fontana!

MANILA, Philippines - Salubungin ang taon na puno ng pagkain, tawanan, at kasiyahan! Punta na sa Fontana Hot Spring Leisure Parks sa Clark Freeport Zone sa Pampanga sa Enero 7.

Mapapanood si Vice Ganda sa pagpasok ng taon sa Party Party with Vice Ganda at Fontana! concert. Ang pagdiriwang na ito ay magaganap sa loob ng isang buong araw na puno ng kasiyahan at katatawanan para sa buong pamilya. Itawa ang mga problema at makisaya kasama ng TV host at komedyante na gaganapin sa isang outdoor concert area ng ika-8:00 ng gabi.

Maaari ring makilahok makitikim sa sari-saring lutuing local at international sa food fair na magaganap sa Fontana Casino Parking area mula ika-12:00 ng tanghali hanggang ika-10:00 ng gabi.

Kilala bilang isa sa ating mga pinakamainit at natatanging mga komedyante, matagumpay na nakapasok sa mundo ng showbiz si Vice Ganda at napatunayan ang pagiging bankable sa matagumpay na Araneta Coliseum concert tulad ng May Nagtext Yung Totoo: Vice Ganda noong May 15, 2010 at Eto na Vice Ganda: Todong Sample noong July 1, 2011. 

 Tumawag lang sa Ticketnet para sa iba pang katanungan (911-5555) o bisitahin ang www.ticketnet.com.ph. Ang Fontana Hot Spring Leisure Parks ay matatagpuan sa CM Recto Highway, sa Clark Freeport Zone, sa Pampanga.