Dealers ng star group pinasaya nina Angel, Allan, Daiana, at Mark!
MANILA, Philippines - Tuwang-tuwa ang mga newspaper dealers na nagtipun-tipon sa nakaraang Dealers’ Party ng Star Group of Publications – Philippine Star, Pilipino Star NGAYON, Pang Masa, Freeman, at Banat sa Amoranto Complex, Quezon City. Bongga kasi ang okasyon at star-studded pa!
Ang taunang selebrasyon, ayon sa presidente at CEO ng Star Group na si Mr. Miguel G. Belmonte, ay isang pasasalamat sa walang sawang suporta ng mga dealers na naging katuwang sa tagumpay ng mga pahayagan ng kumpanya.
Kaya naman pinarangalan din ang mga loyal na top dealers sa ginanap na party.
“More than business partners, we view our newspaper dealers as members of one big STAR family,” sabi ni Boss Miguel.
Samantala, nag-enjoy ng husto ang mga dumalo sa entertainment na dala nina Angel Locsin, Allan K, Daiana Menezes, at Mark Herras.
Pinagkaguluhan si Angel at Daiana.
Sumaya at umi-ngay naman ang buong venue sa katatawa kay Allan K.
Nasorpresa naman ang mga nakiki-party sa pagkanta ni Mark na kilalang bad boy sa dancefloor.
- Latest
