Pinaspasay

CEBU, Philippines - Gipaspasan na ni Carla Abellana ang taping sa seryeng Kung Aagawin Mo ang Langit aron iyaha na nga masugdan sa dili madugay ang My Beloved kung diin siya maoy mohulip sa gibiyaan nga role ni Rhian Ramos.

Farm ang dangpanan

Tsika pa ni Lorna Tolentino nga kung ganahan sya magpa-relax sa iyang lawas, motikang ra siya sa iyang farm sa Cavite aron makahanggap og preskong hangin.

Anabelle naglikay sa sapot

Motumar na si Annabelle Rama og tambal nga pampangkalma sa higayon nga interbiyohon siya kalabot sa away nila ni Nadia Montenegro

Sanctuary sikat gihapon

Malipayon ang bandang Callalily gumikan kay padayon nga gikagat sa publiko ang taud-taud na nila nga kanta nga nag-ulohan og Sanctuary.

Derek taas og pasensya

Suma pa ni Derek Monasterio nga andam siya maghuwat kung kanus-a siya sugton ni Sarah Lahbati ug iyang giangkon nga kanunay sila magpadalhanay og text message sa usa’g-usa.

Ethel magpabilin sa IDY

Tsika pa ni Ethel Booba dinhi sa Banat News Hugyaw sa miaging adlaw nga malakip gihapon siya sa season 2 sa reality show sa ABS-CBN nga I Dare You nga sugdan na sa unang bahin sunod tuig. (Sanden J. Anadia)

Susan nangandoy nga ma-proklamar si FPJ isip presidente

Karong adlawa ang ikapito ka tuig nga anibersaryo sa kamatayon ni Fernando Poe Jr. ug giangkon sa iyang asawa nga si Susan Roces nga gimingaw na siya pag-ayo sa iyang bana.

Mihatag usab og mensahe si Susan sa nagkainit karon nga isyu kalabot sa giingong kontrobesyal nga eleksyon niadtong 2004 kung diin kaatbang ni FPJ niadtong higayona ang kanhi presidente nga si Gloria Macapagal Arroyo.

Wish ni Susan nga ma-iproklamar puhon ang iyang bana isip ika-14 nga presidente sa Pilipinas.

Matud pa niya nga katungod sa katawhan nga mailhan ang tinud-anay nga nakadaug niadtong 2004. (BANAT NEWS)