Studio 23 nakakuha ng tatlong trophy sa Star awards

MANILA, Philippines - Wagi ng tatlong parangal ang Studio 23 sa ginanap na PMPC Star Awards For Television.

Sa larangan ng entertainment, kinilala bilang best lifestyle show ang Us Girls at best lifestyle show Host naman ang mga host nitong sina Angel Aquino, Iya Villania, at Cheska Garcia-Kramer.

Pagdating naman sa pamamahayag, namayagpag si Anthony Taberna bilang best male newscaster para sa Iba-Balita ni Anthony Taberna at isa rin sa pinarangalang best morning show host para naman sa Umagang Kay Ganda.

Kabahagi ang Studio 23 sa tagumpay na na­ta­mo ng ABS-CBN kung saan nanalo itong best TV station sa ikatlong mag­kakasunod na taon.

Ang taunang Star Awards For TV ay inor­ga­nisa ng Philippine Movie Press Club. Ito ay kumikilala sa mga natatanging personalidad at programa sa telebis­yon ngayon.

Ngayong taon, pina­ngu­­­nahan nina 2011 Miss Universe 3rd run­­ner-up Shamcey Sup­sup at aktor na si Piolo Pas­cual ang gabi ng pa­ra­ngal bilang hosts. Patuloy namang tunghayan ang Us Girls tuwing Huwebes, 9:15 p.m., at Iba-Balita ni Antho­ny Taber­na, Lunes hanggang Bi­­yer­nes, 8:45 p.m. sa Ka­bar­kada mo, Studio 23.