Jennylyn at Luis engaged na!

PIK : Medyo emotional si Lovi Poe nang napag-usapan sa presscon ng pelikulang Yesterday, Today, Tomorrow ang nalalapit na paglabas ni dating Cong. Ronald Singson.

Hindi pa niya alam kung sa Hong Kong siya magpa-Pasko dahil magiging abala siya para sa nalalapit na Metro Manila Film Festival.

Sa January na makakalabas si Ronald at hindi pa matiyak ng aktres kung makakasama ba siya sa susundo.

“I can’t say as of now, marami naman ang excited sa paglabas niya. Hindi ko pa masasabi,” pahayag ni Lovi.

PAK : Nakakakilig ang eksena sa Ala Eh festival ni Gov. Vilma Santos nung isang araw lang nang ipinakilala nito si Jennylyn Mercado bilang isa sa mga hurado sa kanyang event.

Hindi alam ni Gov. Vi kung paano niya ipakikilala si Jennylyn, nang biglang sumingit si Luis Manzano nang “girlfriend ko siya Mommy.”

Kaya ipinakilala niyang girlfriend ito ng anak niya.

Sabi nga ni Jennylyn, hanggang ngayon ay natatakot pa rin siya kahit ilang beses na silang nagkita.

Sa naturang event ay ipinakita ni Jennylyn ang singsing na suot niya na regalo ni Luis sa kanya.

Pero itinanggi ng young actress na hindi naman ’yun engagement ring.

BOOM : Nasa Amerika na si Mo Twister pero patuloy pa rin ang paninira nito laban kay Rhian Ramos.

May inilabas na naman ito sa isang blogger na sinabi ng radio disc jockey at TV host na taun-taon ay nagpapa-abort si Rhian.

The height na ito nang paninira ni DJ Mo sa young actress na tuloy ay hindi na siya kapani-paniwala.

Malinaw na ito ay paninira lang talaga kasi kahit nasa Amerika pa ang ex-boyfriend ay hina-harass pa rin niya si Rhian.

Tama ngang permanent protection order ang hinihiling ng abogado ng Kapuso young actress.