Mo gihulipan ni Jim

CEBU, Philippines - Ang singer/songwriter nga si Jim Paredes maoy gihulip sa controversial TV host nga si Mo Twister isip resource speaker sa labing una nga social media summit nga nagtangag sa tema nga  “Time Out: Is Social Media Changing the Online Playground?”.

Mahitabo kini ugmang adlawa sa Ateneo de Manila University sa Quezon City. Wala madayon si Mo gumikan kay milarga na kini sa Amerika.

Carla nagkadako ang TF?

Mitumaw ang hungihong nga “times three” ang talent fee ni Carla Abellana sa pagdala niya isip asawa ni Governor ER Ejercito sa pelikulang Asiong Salonga. Wala hinuon mohatag og komento ang aktres kalabot sa maong taho.

Welcome sa pamilya

Malipayon kaayo si Jennylyn Mercado gumikan kay sa higayon nga motambong siya sa mga family gathering sa iyang uyab nga si Luis Manzano, kanunay siya hangpon sa mga higala sa inahan ni Luis nga si Vilma Santos.

Napriso gihapon

Nagtingkagol gihapon hangtud karon sa Camp Crame ang StarStruck alumni nga sila si Vivo Ouano ug Jeric Rizalado gumikan sa drug case. Bisan na-dismiss na ang ilang kaso, nagpabilin gihapon sila sa prisohan gumikan kay   wala pa napirmahi ang ilang release paper sa Department of Justice

Eugene dili na mabangbang

Ang indie film nga Ang Babae sa Septic Tank ni Eugene Domingo nalakip sa listahan nga gitawag og "for your consideration" series sa Smith Rafael Film Center. Kini gidumala sa California Film Institute.

KC sa Wansapanataym

Ang aktres nga si KC Concepcion maoy bida sa ‘Christmas Caroline’ episode sa “Wansapanataym” ugma. Malakip usab sa maong episode sila si Isabel Rivas, Niña Dolino, Rey ‘PJ’ Abellana, Lui Manansala, Kyline Alcantara, ug Guji Lorenzana. (BANAT NEWS)