Melissa gihangyo sa fans

CEBU, Philippines - Nahimuot pag-yo si Melissa Ricks gumikan kay kasagaran sa iyang fans ang nihangyo nga patas-an pa ang serye niya nga Nasaan ka Elisa? Giingong daghan ang nalingaw sa maong serye, gani tawgon na siya og Elisa sa iyang mga higala. Hinuon dili makabuot niini ang aktres sanglit usa kini ka-franchise busa dili siya makamugna sa dagan sa istorya niini.

Kaso Naduso Na

Naduso na sa kampo ni Rhian Ramos ang reklamong paglapas sa "domestic violence law R.A. 9262" batok kang Mo Twister nga kanhi uyab sa nahisgutan. May labot ni sa migawas nga video diin gibutyag ni Mo nga gipapunit matud pa ni Rhian ang ilang anak didto sa Singapore, Hulyo sa milabay nga tuig.

Ate V sa TV 5?

Human ni Megastar Sharon Cuneta, si Star for All Seasons Vilma Santos na pud matud pa ang musunod paglayat paingon sa TV5. Kun mahinayon, maghiusa na og pwersa sila si Ate Vi, Sharon ug Superstar Nora Aunor.

Bag-Ong Inspirasyon Ni Jun-Jun

Kanunay matud pa nga makit-ang magkuyog karon sila si Makati Mayor Jun-Jun Binay ug ang simple ug maanyag nga babaye nga ginganlan og Patricia Sandejas. Nagkaila matud pa ang duruha, dihang gidapit ang mayor sa pamilya Sandejas aron maoy mugunting sa ribbon sa Blue Leaf sa McKinley. Si Patricia gikatahong ex-girlfriend ni anhing Rico Yan sa wala pa niini mauyab si Claudine Barreto. Ang mayor kanhi nalambigit kang Kris Aquino.

Wala’y Mahims

Suma pa nga wala’y gahom si Cristine Reyes aron magtingog ang iyang uyab nga si Rayver Cruz ug Sarah Geronimo. Matud pa ni Cristine nga dili siya manghilabot niini gumikan kay personal kining desisyon sa duha.

RJ Mipanaw Na

Namatay didto sa Sydney Australia ang kanhi theater actor ug singer nga si RJ Rosales adtong Domingo. Si RJ kanhi sakop sa musical-variety show sa ABS-CBN ASAP ug nalakip pud sa pelikulang Blue Moon. Thirty-seven years old si RJ.

Palayo Sa Intriga

Mitumaw karon ang report nga matud pa gidid-an una sila si Mark Bautista ug Sam Milby nga moduol kang Piolo Pascual aron malikay sila sa nagkadaiyang isyu. Kahinumduman nga na-link kaniadto ang mga pangalan sa duha ngadto kang Piolo.

Birthday Wish Ni Aiko

Tsika pa ni Aiko Melendez nga ganahan na siya nga wala na’y kaaway sa pagselebrar niya sa iyang adlaw nga natawhan sunod semana. Naghandum si Aiko nga magkatingog na sila sa kanhi niya boyfriend nga si Bulacan Mayor Patrick Meneses.