Hollywood actor na si Ryan Gosling panay ang surfing sa Bicol!
MANILA, Philippines - Nagkakagulo sa Twitter nang lumabas ang tsikang nasa bansa ang Hollywood actor na si Ryan Gosling at nagsu-surfing sa Siargao. Inggit na inggit ang fans ng aktor kay Ping Medina na nasa Siargao rin that time.
Kung malapit lang ang Siargao, nagpuntahan na tiyak ang fans ni Ryan Gosling na napanood sa The Notebook, Crazy Stupid Love, Drive, Blue Valentine, at mapapanood sa The Ides of March.
Shows ni Sharon sa TV5 manggugulat
Pangungunahan ni Sharon Cuneta ang mga TV5 talents na magpi-perform sa party ng First Pacific company ni Manny V. Pangilinan na gagawin sa Hong Kong this weekend.
Kasama ni Megastar na bibiyahe today patungong Hong Kong si Sen. Kiko Pangilinan. Kasama sa Christmas Station ID ng TV5, si Sharon ang opening at closing at siya rin ang kumanta ng theme song. Hintayin natin ang mga gagawin niyang shows sa network dahil panggulat daw.
Jericho gagawa pa ng tatlong pelikula sa Regal
Nagustuhan ni Mother Lily Monteverde ang trabaho ni Jericho Rosales sa Yesterday, Today, Tomorrow, kaya may panibago siyang offer sa aktor and this time, three-picture contract ang gustong papirmahan na willing pirmahan naman ng Kapamilya actor.
Si Lovi Poe ang partner ni Jericho sa Yesterday…, gaganap silang mag-asawa rito na mamamatayan ng anak. Alam ng aktor na crush siya ni Lovi at hanga rin siya rito dahil maganda, seksi, at magaling na aktres.
Samantala, isi-celebrate ni Jericho ang 15th year niya sa showbiz sa isang concert sa Marikina Riverbanks Ampitheater sa Dec. 23. Billed Kinse ang concert with guests Salamin band and Gary Valenciano at produced ng Manila Genesis.
- Latest
