Marian motorcycle na mahigit P1 M ang X-mas gift kay Dingdong
Naibigay na ni Marian Rivera ang Christmas gift niya sa nobyong si Dingdong Dantes at ito’y ang mamahaling Ducati motorcycle. Ayon sa actor na nakausap namin sa Christmas Party ng PPL Entertainment, gulat na gulat siya sa regalo ng GF dahil balak palang niyang bilhin, pero inunahan na siya.
“Oo, dapat, pero hindi ko pa alam” ang sagot sa sinabi ng press na kailangan niyang higitan ang Christmas gift naman niya kay Marian.
Sa aming pagkakaalam, isa ang Ducati sa brand ng motorsiklo na mamahalin at inaabot yata ng milyon at mas mahigit pa ang presyo nito.
Anyway, hindi problema kay Dingdong kung magkalaban ang movies nila ni Marian sa 2011 Metro Manila Film Festival - may Segunda Mano sila ni Kris Aquino, may Panday 2 naman sina Marian at Sen. Bong Revilla.
Nagsusuportahan daw silang dalawa at sa takilya lang sila magkalaban.
Kris Bernal ‘Niloko’ ng BF na singer
Sobrang masaya si Kris Bernal sa pagkakasama niya sa cast ng Panday 2 dahil first movie niya ito sa Manila Film Festival at matagal niyang hinintay na makasama sa filmfest movie. Kaya malaki ang pasasalamat sa Imus Productions at GMA Films dahil tinupad ng dalawang film companies ang dream niya.
Gustung-gusto rin ni Kris ang role niyang si Alira, malditang kapatid ni Arlana (Marian Rivera) at dahil sa galit sa kapatid ay sasanib sa kalaban. Malaki at magandang pelikula plus malalaking artista pa ang kasama niya kaya wala na siyang mahihiling pa.
Pero kung masaya sa kanyang career ni Kris, malungkot naman ang love life nito dahil break na sila ni Jay Perillo. Sabi ng aktres, siya ang nakipag-break kay Jay for reasons na hindi nag-work ang relasyon nila.
Ang gusto naming malaman ay after their break-up na siya pinalitan ng binata o ang bago nitong dini-date ang rason ng kanilang break-up.
Barbie binigyan na ng ibang ka-love team
Kay Barbie Forteza ipapareha sa Tweenhearts si Kiko Estrada, ang anak ni Gary Estrada kay Cheska Diaz. Nag-taping na ang bagets last Thursday at sa December 18, lalabas na siya sa youth-oriented show ng GMA-7.
Welcome kay Barbie ang bagong kapareha at kampante na hindi magagalit kay Kiko ang fans nila ni Joshua Dionisio dahil naiintindihan ng mga ito na trabaho lang ang kanilang ginagawa. Saka, later on, babalik din naman ang kanilang tambalan at may Ikaw Lang ang Mamahalin pa rin sila ni Joshua.
Kasama rin pala si Barbie sa Panday 2 at kahit special participation lang siya sa nasabing pelikula.
Ibang-iba raw ang Panday 2 sa suspense-thriller na The Road na ang tsika, may ibang moviegoers na hindi tinapos ang movie sa sobrang takot.
controversial actress natakot ma-link kay JL
Binalikan namin ang na-post na picture ng controversial actress (CA) at ang non-showbiz guy na nali-link sa kanya ngayon, pero deleted na ang pictures. Ano kaya ang rason at inalis ang picture ng CA at ng guy na dini-date niya ngayon?
Pinakiusapan kaya ang may-ari ng account na i-delete ang picture para hindi makadagdag sa “mainit na situation?”
Wala kaming maisip na ibang dahilan para biglang mawala ang picture ng apat na pareha na kinabibilangan ni CA at ng dine-date niya ngayon na may initial na JL.
- Latest
