Maricar Reyes biglang na-link kay Piolo

Hmmm, damage control ba ito?

Lumabas kahapon ang issue na si Maricar Reyes daw ang dahilan ng hiwalayang KC Concepcion at Piolo Pascual.

Or baka mali lang ang mga nag-interpret.

Kinukumpara lang si Maricar kay Piolo dahil nanahimik ito sa issue, sa mga sinabi ni KC sa The Buzz na dahilan ng hiwalayan nila.

Ganito kasi ang ginamit na strategy ni Maricar – ang manahimik — nang madawit siya sa controversial sex vi­deos ni Hayden Kho, Jr.

Imbes kasi na sagutin ngayon ni Piolo, mas pinili niyang manahimik kasama ang kanyang mommy na nasa bansa. Nakitang magkasama ang mag-ina sa The Fort ni Ms. Cristalle Belo.

Tweet ni Ms. Cristalle: “Just bumped into Piolo at the Fort, driving his Hummer with his mom Tita Amy in the front seat. He’s so happy she’s spending Christmas here!”

Arci pasisikatin na rin ng Viva

Co-manager na rin ni Annabelle Rama kay Arci Muñoz si Mr. Vic del Rosario. Nagkaayos na ang kampo ng dalawang manager kaya asahan natin na mas iinit ang career ni Arci sa TV5.

Pramis ni Mr. Del Rosario, makaka-level ng malalaking alaga ng Viva ang career ni Arci.

Nakatali si Arci sa Kapatid Network kaya doon nila ito ipu-push.

May dalawa pang malaking artista at singer na magiging co-manager si Mr. Del Rosario.

Career ni Young JV, umuusad!

Suwerte na rin si Young JV, ang isa sa promising recording talents sa kasalukuyan.

Hindi man mabilis na mabilis, umuusad naman ang career niya bilang ta­lent ng ABS-CBN Star Magic.

Kasama siya sa blockbuster movie na Won’t Last a Day Without You, nakasama rin siya sa Budoy at next year, ilo-launch ang kanyang second album kasama ang kanta niyang Alay (Offering). Naipakita ni Young JV sa nasabing kanta ang kanyang pagiging versatile.

May kasamang music video ang Alay na swak na swak sa pagdating ng Pasko.

 Twenty one years old lang siya. Una siyang nakilala two years ago when his debut album was released.

Naging popular ang kanta niyang That Girl na naging one of the most requested songs sa mga radio stations. Actually, maging ang music critics, music lovers ay nagulat sa kakaibang tunog ng kanta niya – foreign sounding hip-hop artist na Pinoy na Pinoy pala.

At ngayon meron na nga siyang next album kung saan nakipag-collaborate pa siya kina Karylle, Akiko Solon, at Yeng Constantino kaya mas interesting ang bago niyang album.

 “When it comes to music or anything connected to it, I don’t have limitations. I never let pressure come into my work. Instead I enjoy the work, working with people, because they all help me mature as an artist,” sabi ni Young JV.