Shaina ug John nagtingog na

CEBU, Philippines - Nag-uli na ang maayong bout sa mag-uyab nga sila si John Lloyd Cruz ug Shaina Magdayao ug nakit-an ang duha nga nagkuyog sa pagpanan-aw sa konsyerto ni Jed Madela dili pa lang dugay.“

Marian wala mabalaka

Aminado ang usa sa mga bida sa Panday 2 nga si Marian Rivera nga puro lig-on ang mga entry sa Metro Manila Film Festival apan wala siya mabalaka niini sanglit usa raman kini ka “healthy competition”.

Motago kung mag-away

Suma pa ni Judy Ann Santos nga kung mag-away sila sa iyang bana nga si Ryan Agoncillo, adto gyud sila sa banyo aron dili sila madunggan sa ubang tawo nga kauban nila sa balay.

Star Magic kids dunay international project

Gipasigarbo sa Star Magic ang ilang mga talent nga sila si Mica Roi Torre ug Nikki Samonte gumikan kay nalakip ang duha sa musical play nga The Lion King didto sa Singapore.

Carla magpa-sexy sa kalendaryo

Ilusad sulod niining semanaha isip calendar girl sa Tanduay sa tuig 2012 ang aktres nga si Carla Abellana.

Atubangay

Gihagit ni Annabelle Rama si Nadia Montenegro nga mag-atubangay sa usa ka talk show aron masuta sa katawhan kung kinsa kanila ang nagsulti sa tinuod.

KC ug Piolo buwag na!

Kumpirmado na nga gabuwag sila si KC Concepcion ug Piolo Pascual. Gisuwayan nila og luwas ang ilang relasyon apan wala gyud sila’y nahimo.

Nakatabang ang pagpa-cute

Misamot karon kakusog ang seryeng My Binondo Girl sa ABS-CBN gumikan sa pagpa-cute karon ni Xian Lim ngadto kang Kim Chiu sa tinuoray nga kinabuhi.

Inahan ni Jhake mitaliwan na

Mitaliwan na ang inahan ni Jhake Vargas niadtong Sabado gumikan sa colon cancer. Nasayran nga tua sa mall show si Jhake sa dihang nadawat niya ang balita nga patay na ang iyang inahan.

Asa man gyud Carmina?

Giangkon ni Carmina Villarroel nga nakigtigom na siya sa TV5 ug ABS-CBN apan wala pa siya kahukom kung madayon ba siya pagbiya sa GMA-7. Nasayran nga nagkigtigom usab ang aktres sa mga kadagkoan sa GMA busa nahisgutan nga posible usab siya nga mo-renew sa iyang mother network.

Maui artista sa Korea

Gikatahong malakip si Maui Taylor sa usa ka indie film didto sa Korea hinungdan nga kanunay nga molarga ang aktres sa maong nasud .Wala pa hinoun gibutyag ni Maui ang panglan

Albie interesado mobisita sa anak

Gidungog nga ganahan unta mobisita si Albie Casiño sa anak nila ni Andi Eigenmann nga si Adrianna Gabrielle apan nahadlok kini gumikan kay wala sila magtingog sa inahan ni Andi nga si Jaclyn Jose.

Gerald dunay tsansa kang sarah

Nakapuntos si Gerald Anderson gumikan kay dunay dakong pagsalig kaniya ang inahan ni Sarah Geronimo nga si Mommy Divine. Suma pa nga dili maglisod si Gerald kung modiskarte kini ngadto sa pop princess.

nausab ang tawag

Daghan ang nahugyaw kang Ynna Asistio gumikan kay dili na kini motawag og “Tita” ngadto kang Annabelle Rama sukad nakaaway niini ang iyang inahan nga Nadia Montenegro. Una na nga gipadayag ni Ynna nga kinahanglan nga mohilom na si Annabelle.

Derek mobalhin sa TV 5

Gibutyag kagahapon ni Cristy Fermin sa programang Paparazzi nga mobalhin gyud si Derek Ramsay sa TV 5. Samtang ang laing host sa Paparazzi nga si Ruffa Gutierrez misaysay usab nga kanunay matud pa mangumusta si Derek sa mga artista sa TV 5.

Cogie Gikulata

Nanghubag gihapon ang nawong ni Cogie Dominggo human kinin kulataha sa tulo ka mga lalaki didto sa Alabang sa miaging semana. Suma pa sa aktor nga iyaha na nga gipa-blotter sa police station ang maong insidente ug ang usa sa nangulata kaniya ginganlan og Vito Barreto. Wala’y ideya ang aktor kung nganong gikulata sa tulo ka mga lalaki.

Paukyab Sa Poster

Nagpabonggahay usab karon sa ilang mga poster ang mga pelikula sa Metro Manila Film Festival 2011 nga My Househusband: Ikaw Na, Segunda Mano , Enteng ng Ina Mo, Yesterday, Today, Tomorrow ug uban pa.

Zoren nakuhaan na ang kulba

Malipayon si Zoren Legaspi gumikan kay dili na kaayo siya kulbaan sa pag-host sa Paparazzi sa TV 5 gumikan kay komportable siya sa iyang mga kaubanan sa maong show. Giangkon niya nga nakulbaan siya sa pag-ayo sa unang paglingkod niya sa maong programa kaniadto apan nakuhaan ra usab kini sulod sa pipila ka semana niya sa maong programa.

Andi nakagawas na sa tambalanan

Nakagawas na sa tambalanan si Andi Eigenmann kagahapon ug mapahiyomon niya nga gidala ang bata nga iyang gihimugso nga si Adrianna Gabrielle. Matud pa ni Andi nga wala siya magmahay sa sitwasyon nga iyang giatubang karon gumikan kay todo nga suporta ang gihatag kaniya sa iyang pamilya ug mga higala.

Kalinaw gipangayo ni Randy

Gibutyag ni Randy Santiago nga ganahan siya nga magtingog na sila ni Willie Revillame ug mao kini ang iyang birthday wish.“Sana wala nang alitan sa mundo,” hirit pa ni Randy.

Enchong wala mahulga sa intriga

Gipasalig ni Enchong Dee nga dili maapektohan ang tandem nila ni Erich Gonzales sa Maria la del Barrio bisan pa man sa mga intriga nga matud pa duna siya’y nataypan nga non-showbiz girl. Matud pa ni Enchong nga nagkalig-on pag-ayo ang followers nila ni Erich busa lisod kini tumpagon.

Mo Malinawong Mibiya Sa Paparazzi

Pormal na nga nanamilit si Mo Twister kagahapon sa Paparazzi apan wala siya’y gibilin nga istorya sukwahi sa migawas nga report nga duna siya’y “ pasabog” nga tsika alang sa iyang kanhi uyab nga si Rhian Ramos. Si Mo milarga na kagabii paingon sa Amerika ug personal ang iyang rason niini. “Hindi dahil sa babae ha,” suma pa niya.  

Lovie wala na’y paglaum kang Echo

Dili pa matino ni Jericho Rosales sa pagka-karon kung duna ba’y posibilidad nga magkauyab sila ni Lovi Poe kinsa kapares niya sa pelikulang Yesterday, Today and Tomorrow sa Regal Films.

Kahinumduman nga gipadayag kaniadto ni Lovi nga type niya si Echo busa malipayon kini nga natagaan siya og tsansa nga makauban sila sa usa ka proyekto.

Matud pa ni Echo nga lingaw ikatrabaho si Lovi apan wala masulod sa iyang huna-huna nga modiskarte sa aktres gumikan kay naka-focus siya sa iyang trabaho.

 "Hindi ko alam, basta masaya ako na katrabaho siya.Magaling, professional siya, marami siyang 'binibigay na surpresa 'pag kaeksena mo siya so I like to focus on that,” matud pa ni Echo ngadto sa PEP.

Nagkanayon ang aktor nga ganahan na siya mausab ang iyang imahe ug dili siya ganahan nga mahimo niya nga uyab ang iyang mga kapares sa usa ka proyekto.

"I don't want her to feel uncomfortable. Maganda talaga si Lovi, pero sa ngayon, magpo-focus muna ako sa trabaho ko,” tsika pa aktor.

Dugang pa niya nga naglikay siya sa mahimong istorya sa tawo kung ma-develop siya sa iyang leading lady.

 "Tinanggal ko na sa sarili ko yung image na 'pag nagiging leading lady ko, nagiging girlfriend ko,” lenggua pa ni Echo.

Giangkon ni Jericho nga duna siya’y gika-date karon nga non-showbiz girl apan nagdumili siya sa paghatag og lapad nga detalye niini.

 "I'd like to keep my personal life private. Gusto ko private yung lovelife ko, at kung maari sana huwag na lang showbiz para mas tahimik,” nagkanayon ang hunk actor.