Suwerting tuig ni Anne

CEBU, Philippines - Gihulagway ni Anne Curtis nga ang tuig 2011 nga “amazing year” sa iyang kinabuhi gumikan kay nagsagunson ang suwerte sa iyang showbiz career.

Suma pa niya nga wala niya damha ang mga maayong butang nga maabot sa iyang kinabuhi ug kontento na siya niini sa pagka-karon. Aminado si Anne nga dili sa tanang panahon nga naa kaniya ang atensyon sa publiko ang importante kaniya ang kasamtangang panghitabo sa iyang career karon.

“That’s why I’m just taking it all in because you know at any moment lilipas din naman ‘yan eh so just enjoy life and appreciate everything that I have now and not expect anything else because I’ll just get disappointed if I keep on expecting. So just be thankful for what you have received already and I’m super thankful and grateful,” nagkanayon si Anne.”    Nagpanikad na usab ang aktres alang sa 2012 gumikan kay gawas sa mga pelikula, aduna pud siya’y umaabot nga teleserye sa ABS-CBN.

Sitcom nagpaabot ni Marian

Mahuman na sa ikaduhang semana karong  January 2012 ang epic serye ni Marian Rivera nga Amaya ug gikatahong usa ka sitcom na pud ang sunod niya nga proyekto sa GMA-7.

Gilinyahan og sayo

Gikatahong Huwebes pa lang sa gabii naglinya ang mga tawo sa GMA-Network  aron lang gyud makakuha  og ticket sa programa ni Manny Pacquiao nga Manny Many Prizes kagabii.

Hugyaw nga presensya ni Ate Shawie

Gipaneguro sa TV 5 nga molutaw gyud ang kaanyag ni Sharon Cuneta sa ilang Christmas station ID ilabi na nga una kining Pasko nga naa ang megastar kanila.

Christian paborito sa taga Indonesia

Human sa nagmalampusong pelikula ni Christian Bautista sa Indonesia niadtong Agosto, giingong nakadawat na pud siya og laing movie project sa maong nasud apan wala pa siya ka hukom kung iyaha ba kini nga dawaton sanglit nag-agad ra siya sa bakante niya nga oras.

Ronnie hulipan sa puwesto?

Mitumaw karon ang mga hungihong nga usa gihapon ka aktor ang ihulip kang  Ronnie Ricketts isip chairman sa  Optical Media Board kung matinuod ang istorya nga hulipan na kini sa iyang puwesto puhon.

Isabel nag-sorry kang Jackie

Nangayo og pasaylo si  Ma. Isabel Lopez ngadto kang  Jackie Forster human niya kini gitawag og “balyena”  gumikan sa katambok sa aktres

Nadia sayon palagoton

Komedya pa ni  Nadia Montenegro nga dili siya maglisod sa iyang karakter isip babaye nga malditahon sa usa ka indie film gumikan kay sayon ra siya palagoton ilabi na kung makadungog sa pangalan sa iyang kaaway nga si Annabelle Rama.

Pelikula ni Rhian gikabalak-an

  Nabalaka pag-ayo ang fans ni Rhian Ramos sa padayon nga pagpadungog-dungog ni Mo Twister ngadto sa aktres ug ilang panghinaut nga dili maapektohan ang pelikula sa ilang idolo nga The Road.

Venus dunay inspirasyon?

Giingong sweet kaayo ang beauty queen ngadto sa iyang co-host sa Umagang Kay Ganda nga si Andrei Felix. Matud pa nga daghan na ang nagduda nilang duha apan nagpakahilom lang gihapon ang beauty queen niini.

“Christmas Countdown”

Mabuhong sa mga Paskohanong awit ang mga viewers sa ASAP Rocks karong adlawa gumikan sa episode nila nga “Christmas Countdown”. Gikatahong usa ka hugyaw nga production number ang mahitabo karon nga langkoban nila ni Gary Valenciano, Martin Nievera, ZsaZsa Padilla, Piolo Pascual, Sarah Geronimo, Billy Crawford, ug uban pa.

Roxanne nag-MRT

Nabatyagan nga misakay og MRT sa Boni Station ang singer-actress nga si Roxanne Barcelo. Nasayran ubay-ubay na ka mga artista ang magsakay og MRT ilabi na kadtong dili gusto ma-late sa ilang appointment..

Bag-ong car ni Paris giparada

Dungan sa pagtamod sa Thanksgiving Day sa Amerika sa miaging adlaw, giparada sa Hollywood star nga si Paris Hilton ang bag-o niya nga sakyanan. Usa kini ka Ferrari ug matud pa moabot ngadto sa P11.9 million ang presyo niini.

Proyekto gibalibaran ni Mercedes

Tsika pa sa indie actress nga si Mercedes Cabral nga dunay mga proyekto nga iyang gibalibaran gumikan kay dunay mga eksena nga pahuboon siya nga wala mahaom sa istorya ug iya kini nga gihulagway nga “nonsense”. “Nung binabasa ko yung script, sobrang wala akong sense na mahanap, na lalim, sa ipinapagawa nilang paghuhubad ko." So, pag ganun, tinatanggihan ko talaga,” matud pa ni Mercedes.

Maria nalupigan ni Daldalita

   Wala manimaho pag-ayo ang seryeng Maria La Del Barrio gumikan kay nakaangkon lang kini 10% sa labing uwahi nga resulta sa Mega Manila ang AGB Nielsen Mega Manila People & Household Ratings . Ang kaatbang niini nga “Daldalita’ sa GMA-7 nakakuha og 20.5 %. 

Friends gihapon

Gibutyag ni Janice de Belen nga ang break-up nila kaniadto ni John Estrada maoy usa sa iyang gikonsiderar nga pinakapait nga nahitabo sa iyang kinabuhi busa dili siya kalimot niini apan gipabilin gihapon nila ang panaghigalaay. Samtang malipayon si Janice sa pag-istar niya karon sa Kapamilya gumikan kay kanunay nga mag-number 1 ang serye niya nga Budoy nga gibidahan ni Gerald Anderson.

Tinabangay

Suma pa ni Lexi Fernandez nga walay kompetisyon sa usa’g-usa sa tanan niya mga kauban sa pelikulang The Road gumikan kay nagtinabangay ang tibuok cast sa maong pelikula alang sa kalampusan niini. Samtang excited na ang aktres sa pagpasalida sa maong pelikula nga makita na karong Nobiyembre 30.

Balanse sa oras

Gibalanse karon ni Paolo Avelino ang oras niya sa iyang pamilya ug trabaho. Gikatahong busy kaayo si Paolo gumikan kay gawas sa serye nga Ikaw ang Pag-ibig , nagpadayon usab ang shooting niya sa Yesterday, Today and Tomorrow.