Pacman, Bible na ang paboritong basahin!
Marami ang nakapansin sa malaking pagbabago ni Congressman Manny Pacquiao mula nang bumalik ito sa Pilipinas.
Ibang-iba na ang Pambansang Kamao dahil madalas ito na nakikita na nagbabasa ng Holy Bible. Regular din ang Bible study ni Papa Manny, kasama ang kanyang mga kaibigan.
Kabilang si Annabelle Rama sa mga makapagpapatunay sa pagbabago ni Papa Manny dahil iisang eroplano ang sinakyan nila sa pagbabalik bansa noong Lunes.
Naloka si Bisaya dahil Bible lamang ang binabasa ni Papa Manny sa kanilang mahabang biyahe from US to Manila.
Kung magpapatuloy ang magandang relasyon ni Papa Manny sa Panginoon, sure ako na maganda ang magiging performance niya sa mga susunod na laban.
Kung may mga nagduda sa tunay na resulta ng paghaharap nila ni Juan Manuel Marquez, pupusta ako na babawi si Papa Manny sa 2012.
Patutunayan niya na siya pa rin ang hari ng boxing sa buong mundo.
Aiai hindi sanay magpahinga!
Babaeng walang pahinga ang drama kahapon ni AiAi delas Alas dahil itsurang puyat at pagod, nag-report siya sa taping ng Binondo Girl.
Inspired na magtrabaho si AiAi dahil nag-win siya ng dalawang award sa Star Awards for Television noong Martes ng gabi.
Si AiAi ang hinirang na Best Comedy Actress at siya rin ang nag-take home ng Best Single Performance by an Actress trophy sa isang episode ng Maalaala Mo Kaya.
Umapir sa Star Awards for TV si AiAi pero pagkatapos ng awards night, hindi muna siya umuwi nang bahay para magpahinga dahil dumiretso siya sa shooting ng filmfest movie nila ni Vic Sotto.
Umaga na nang makauwi kahapon si AiAi sa bahay, sandaling natulog at nang magising, pumunta na sa taping ng My Binondo Girl.
Sino ngayon ang magsasabi na masarap ang buhay ng isang Concert Comedy Queen at Box Office Queen?
Naiyak nang pumirma ng kontrata
Ang pagpirma ni Sharon Cuneta ng kontrata sa TV5 ang isa sa mga big news sa showbiz noong Martes.
Napaluha si Sharon habang pumipirma ng kontrata dahil na rin siguro sa magkahalong lungkot at ligaya. Lungkot dahil after 23-years, nag-goodbye siya sa ABS CBN, ligaya dahil nasa bagong tahanan siya.
Limang taon ang kontrata ni Sharon sa Kapatid Network at marami ang naloloka sa balita na isang bilyong piso ang halaga ng kanyang kontrata.
Dahil magkapatid na sila ni Willie Revillame, nag-dinner ang dalawa sa restaurant ni Willie sa Sgt. Esguerra St. na malapit nang maging open sa public.
Tulad nang kuwento ko noon, ipagdiriwang ni Sharon sa TV5 ang kanyang 46th birthday sa January 2012 at ito rin ang hudyat ng pagsisimula ng kanyang programa sa Kapatid network.
Mariel may isang linggong bakasyon tuwing birthday ni Robin
Nagsimula kahapon ang co-hosting stint ni Camille Villar sa Wil Time Bigtime at bilang suporta sa unica hija ni Senator Manny Villar, binisita ko siya sa Novaliches studio ng TV5.
Isang linggo lamang ang commitment ni Camille sa Wil Time Bigtime dahil one week lamang ang bakasyon ni Mariel Rodriguez.
Nakalagay pala sa kontrata ni Mariel na may one week vacation siya tuwing birthday ng kanyang asawang si Robin Padilla at kapag anniversary nila. Ganyan ka-in love si Mariel sa kanyang action star na mister.
- Latest
