Singer zero ang love life winner sa negosyo

MANILA, Philippines - Naging makulay noon ang career at love life ng dating BMG Recording Artist/Businesswoman na si Anna Dizon.

Yes, naging laman si Anna ng iba’t ibang showbiz talk show sa malalaking TV network. ‘Yung dalawang album na ginawa niya sa BMG naging patok hindi lang dito sa ating bansa kundi sa ibang bansa rin sa Asya tulad ng Japan, Singapore, at Hong Kong. At pagdating naman sa kanyang love life pinagpiyestahan din ito at huwag isnabin dahil mga kilalang showbiz personalities at politician lang naman ang kabilang sa entourage sa wedding noon ni Anna at ng kanyang fiance na ayaw na nitong pag-usapan pa. Kumbaga thing of the past na raw ‘yun para sa kanya. So sa madaling salita zero ngayon ang love life ng singer pero winner naman siya pagdating sa kanyang mga negosyo na kinabibilangan ng kanyang sariling International Agency at world-class resort.

Daan-daang DH o domestic helper ang hinahanap ngayon ng ATD International Services Incorporated na pag-aari ni Anna. Ang maganda pa sa mga kababaihang mag-aapply dito ay walang placement fee silang poproblemahin dahil, makakaalis sila kahit wala silang pera.

Punta lang ng personal sa ATD International, Unit 11-B Gloria Bldg. No. 157 A. Bonifacio Ave., cor. Agudo St., Quezon City. or tumawag kay Ms. Dina San Miguel o kaya si Ms. Ching Santos sa 355-9180.

At good news sa pagsasanib puwersa ng ATD at ng Shensei Promotion Co. LTD um-pisa na rin ang hiring ng International Agency ni Anna para sa Japan.

Isa pang bagong news sa Star Diva (Anna) ay ang malaking pagbabago sa kanyang sariling world- class resort sa Oriental Mindoro na Villa Anna Paradise Resort and Farm na magiging resort hotel na at uumpisahan na ang pagbebenta nila ng share para sa mga kababayan nating bakasyonita at mga foreigner. (PL)