Pacman magbabawas ng mga alalay
SEEN : May mga mawawala sa “cordon sanitaire” at entourage ni Congressman Manny Pacquiao sa pagbabalik nito sa Pilipinas dahil sa pagbalasa na gagawin niya.
SCENE: Mahiyain ang nanay ni Miss World First Princess Gwendoline Ruais. Tumanggi siya na magpainterbyu sa mga reporter na lumapit sa kanya sa presscon ng Miss World Philippines para kay Gwendoline.
SEEN: Nasapawan ng mga balita ng pag-aresto kay former President Gloria Macapagal-Arroyo ang arrival sa bansa ni Gwendoline Ruais noong Biyernes. Guest ngayon si Gwendoline sa Party Pilipinas at magsasayaw siya.
SCENE: Hindi pinayagan si dating Pangulong Gloria Arroyo na bumiyahe sa Singapore noong Biyernes habang nagbabakasyon naman doon si former President Joseph Estrada na ipinakulong noon ni GMA. Ito ang gulong ng palad.
SEEN: Huminto si Geneva Cruz sa pag-tweet dahil sa pagdami ng kanyang Twitter haters. Mga below the belt ang banat kay Geneva dahil sa mga kaartehan na ipinakita niya sa Survivor Philippines: Celebrity Doubles Showdown.
SCENE: Ang hula na hindi magtatagal ang relasyon nina Luis Manzano at Jennylyn Mercado. Future Mark Herras, Patrick Garcia, at Dennis Trillo at si Luis.
SEEN: Kailangan ni Louise delos Reyes ng fashion stylist dahil hindi bagay sa kanyang personalidad ang mga damit na isinusuot niya.
SCENE: Hindi natuloy ang pag-uwi ni Enzo Pineda sa Pilipinas dahil nagkaroon ng technical problem ang eroplano na sinasakyan nila. Nagpapasalamat si Enzo dahil walang masamang nangyari nang masira ang mga gulong ng eroplano.
- Latest
