Showbiz couple matutuloy na sa hiwalayan, misis panay ang gimik na 'di alam ng asawa

PIK : Tuwang-tuwa si Jennylyn Mercado dahil pawang papuri ang natatanggap niyang feedback nang mag-host ito sa live elimination ng Protégé kamakalawa ng gabi.

Nasa Amerika si Dingdong Dantes kaya si Jennylyn ang pansamantalang pumalit sa kanya.

 Si Luis Manzano ang isa sa mga tumutok sa Protégé at nag-text ito kay Jennylyn para i-congratulate.

Hindi rin napigilan ni Jennylyn na maging emotional dahil sa pagkatanggal ng 10-year-old contestant ni Rachelle Ann Go na si Nomer Limatog.

PAK : Galit si Rocco Nacino sa isyung nahuli silang naglalaplapan ni Sheena Halili sa isang studio ng GMA 7.

Hindi niya alam kung ano ang pakay nang nagkakalat ng kuwento dahil wala naman silang ginagawa at wala naman silang atraso kahit kanino.

Lalong hindi nila gagawin ’yun sa GMA 7.

Sa kanya ay okay lang, pero unffair daw ’yun kay Sheena.

“Hindi man lang nila iniisip na babae si Sheena,” himutok ni Rocco.

BOOM : Mukhang matutuloy na sa hiwalayan ang matagal nang hidwaan ng kilalang showbiz couple.

 May third party involved at panay ang labas ni female celeb na hindi alam ng asawa.

Hindi na sila nag-uusap kaya mukhang mahirap nang maayos na malamang lalabas din naman ang isyu at tiyak pag-uusapan isa sa mga araw na ito.