Pahugyaw sa Pasko

Hugyaw nga Domingo kanatong tanan mga Ka Tribung BisChikadora! Nagkaduol na gyud ang Pasko busa usa sa mga tips sa inyong Yur’s truly mao nga dapat naa namo’y listahan para maghinay-hinay namo og pamalit sa inyong mga regalo para sa mga kinugos ug uban pa. Ana lang! Nindot na pud kaayo ang hangin matag kadlawon kay murag ang diwa sa Pasko nagkaduol na gyud. Gani, kung magsakay ka sa jeep naa na’y kalit lang mamasko abi nimo og pasahero, pero okey lang basta ang importante kay dili sila manghilabot pero dili gayud kalikayan usahay maHugyaw ka.

NaHugyaw ko og samot kay usa sa mga hugna sa BuenaMano Balita nag-feature sa usa ka grupo sa mga modelo, ang Cebu Model Society and Chef Marc F. Cuizon Group of Charity para sa ilang Christmas Garage for a Cause kauban ang mga amigo ug amiga nila nga andam motabang sa mga pamilya ug mga bata nga nagkinahanglan--muhatag og inspirasyon, suporta, ug kadasig. NaHugyaw ko kay kasayo sa among programa, gababag na pud ang maong grupo para mangandam sa ilang ipamaligya. Kining mga sinena ilang gigamit sa ilang mga fashion shows pero infairness ha, bongga kaayo kay murag , good as new gyud! Nahimutang kini diha sa Ayala Motor Sales De La Montana Street, Mabolo near Carmilites; abli sila sa alas singko sa hapon hangtud 12MN ug special thank you kaayo ni Ms.Ma. Elena Gabaya ug Ms. Scarlette Mae Dumanglas for all the help sa venue during the live episode sa BMB ug very generous kaayo nga nagpakaon sa team..lafang aw ko ka lafang kay gipalakaw kog una .hahahahhaha!

NaHugyaw na usab ko sa dihang nibisita ko sa usa sa mga eskwelahan sa Lapu-Lapu City, nangita og benepisyo adunay usa ka classroom nga nakakuha sa akong atensiyon. Nangutana ko sa school principal kung nganong nindot ang maong classroom. Mao diay kay dunay migasa    nila og mao kini ang CMS & CMCG Inc., gipangunayan gyud kini sa grupo para manindot ang maong lawak sa eskwelahan. Bow kaayo ko. Dili lang na, nagpahigayon usab sila og nutritional feeding para sa mga bata, sa atong mga pinalanggang senior citizen, medical mission, nanghatag og groceries para sa mga di gyud kaya nila. Sa dihang nidagan na ang camera para sa live show sa BuenaMano Balita game kaayo ang CMS models maayo kaayo sila nga mo-emote sa isulti ni Daryl Toting, ang among kugihan kaayo nga remote coordinator. Ilang gipaambitan nako ang usa sa mga plano sa umaabot nga Disyembre. Usa na niini ang usa ka fashion show, ug ang ambungan nga si Chef Marc nagluto og lamian kaayo nga pang noche buena nga swak sa badyet. Ingon pa nila nga usa kini ka dakong panghitabo nga angay natong atngan. Ang inyong Yur’s truly ania andam nga mosuporta…Busa sa mga taga CMS ug ni Chef Marc padayuna ang inyong nindot nga mga buhat!

 Para sa mga gusto moadto sa Christmas garage sale ang mga baligya nag kantidad og P50.00 hangtud sa P350.00, unya pwede pa kita muhangyo… it’s the best place to visit…

Para sa inyong donasyon kontaka kini nga address: para sa facebook www.facebook/chefmark groupofcharity.com o sa www.cebu modelssociety&volunteers.com o email sila sa hotdenmark@ yahoo.com. Manghinaut ko nga mas mulambo pa ang inyong grupo ug wala kamo’y hunong sa pagtabang sa isigkatawo. God be with you always …!