Gwendoline nanapaw

Dapat ipagbunyi ni Cory Quirino ang naging tagumpay ng kanyang protégé na si Gwendoline Ruais sa katatapos na Miss World 2011. Nasapawan nito ang inabot ng mga naging representatives natin sa Miss Universe na sina Maria Venus Raj (4th runner-up) at Shamcey Supsup (3rd runner-up.) First Princess o 1st runner-up si Gwendoline sa international pageant na ginanap sa Central London, England nung Lunes na pinagwagian ni Miss Venezuela.

Maganda rin ang naging sagot ng ating Miss Philippines sa Q&A portion ng pageant na kung bakit siya ang dapat manalong Miss World. Sa kanyang sagot namalas na hindi lamang kagandahan ang taglay ng Miss World First Princess, matalino rin siya.

Maria nagpaturo sa NHI ng pagkanta ng lupang hinirang

Hindi magkakaroon si Maria Aragon ng problema sa National Historical Institute (NHI) sa gagawin niyang pagkanta ng Lupang Hinirang sa laban ni Manny Pacquiao kay Juan Manuel Marquez sa Nov. 12.

Pumunta si Maria ng NHI para malaman kung ano ang tamang pagkanta ng ating Pambansang Awit at itinuro naman sa kanya kaya wala na siyang alalahanin na mapipintasan ang gagawin niyang pagkanta rito. Si Manny mismo ang pumili kay Maria para umawit ng Lupang Hinirang.

Zoren iniiwasan na ng mga kaibigan dahil sa kadaldalan

Hindi pa kaya nararamdaman ni Zoren Legaspi ang bigat na dulot ng pagi­ging isa niyang host ng Paparazzi? Marami nang kapwa niya artista ang nagpaparamdam kundi man nagsasabi ng kanilang agam-agam na maging close sa kanya at baka maging subject sila ng mga “baon” niya na isini-share sa kanyang mga co-hosts at viewers ng show.

Ang mahirap kay Zoren, he doesn’t give blind items, talagang pinapangalanan niya ang kanyang mga balita! .

Jake ima-match na sa baguhang singer

It will give Jake Vargas great pleasure na malaman na isang bagong singer na katulad niyang kabataan din at maganda ang crush na crush sa kanya.

Alam naman ng lahat na single si Jake at hindi kataka-taka kung marami mang nililigawan dahil wala pa itong girlfriend at kahit itinutukso kay Bea Binene ay pang-love team lang ang relasyon nila.

Si Derrick Monasterio ang talagang nanliligaw sa tween star ng seryoso na hindi nakakaapekto sa love team. Kaya kung may liligawan din si Jake ay wish ng fans na hindi rin makakaapekto kay Bea dahil gagawa sila ng paraan na magkakilala ito at si Raia Quiroz. Naniniwala sila na kung mabibigyan ng chance na mag-meet ang dalawa ay magkakahulihan sila ng loob at possible ring magkasama sa mga projects dahil pareho silang singer.  

Aiza parating kulelat ang alaga

Sigurado akong linggu-linggo na lang na kung hindi nalulungkot ay nakararamdam ng agam-agam si Aiza Seguerra dahil tuwing elimination night na lamang ay nalalagay sa bottomline ang protégé niyang si Krizza Nikka. Taliwas ito sa mga papuri na tinatanggap ng protégé niya mula sa mga judges na ang madalas mapansin sa alaga niya ay malinis itong bumanat ng mga kinakanta niya at bagay dito ang mga napipili nilang mga kanta.