Czarina 2nd runner-up sa Miss Humanity

CEBU, Philippines - Ang kanhi Bb. Pilipinas-World 2010 nga si Czarina Catherine Gatbonton maoy napilli nga second runner-up sa labing una nga Miss Humanity International Pageant nga gipahigayon didto sa Barbados. Nalangkat usab ni Czarina ang  Best in Talent award ug The Humanitarian Queen for Asia-Pacific title.

Vivo ug Jeric nakalingkawas sa kaso

Gibasura sa Department of Justice ang drug charges nila ni Vivo Ouano ug Jeric Rizalado. Suma pa ni DOJ investigating Assistant State Prosecutor Juan Pedro Navera nga “lack of probable cause” ang rason sa pagka-dismiss sa kaso.

Dolphy nalandig sa ICU

Giingong nalandig sa Intensive Care Unit sa usa ka tambalanan didto sa kaulohan ang King of Comedy nga si Dolphy. Suma pa sa anak niya nga si Vandolph nga okay na karon ang kahimtang sa iyang amahan kinsa naglisod og ginhawa sa miaging adlaw gumikan sa problema sa baga.

Pasiunang negosasyon

Gikumpirmar sa TV5 executive nga si Perci Intalan nga duna gyu’y pasiunang sabot-sabot tali sa iyang mga tawo ug sa kampo ni John Lloyd Cruz sa posibleng pagbalhin niini sa ilang istasyon. Gitataw hinoun ni Perci nga loyal gyud si John Lloyd sa ABS-CBN.

Miss Earth 2011 himoon sa Pilipinas

Gumikan sa sagunson nga pagbaha nga miigo didto sa Thailand , ipahigayon na lang sa Pilipinas ang Miss Earth 2011 karong Disyembre. Gipaningkamotan sa mga tigpasiugda sa maong indigay nga himoon gyud sa Bangkok ang Miss Earth apan wala sila’y mahimo kung ang dagan na sa panahon ang hisgutan. (Sanden J. Anadia)

Erich nangandam na jake naghuna-huna sa followers

Nagmalaumon ang young actor nga si Jake Vargas nga dili mabungkag ang tandem nila ni Bea Binene gumikan kay nakahulma na sila og daghang followers.

Hangyo ni Rayver

Hangyo ni Rayver Cruz nga dili unta ikumpara sa mga tawo ang sinayawan nila ni John Prats gumikan kay wala sila nag-kompetensiyaay ilabi na nga kauban ra sila sa programang ASAP Rocks.

Bianca mibalibad sa HYY

Gihugon-hugon nga ipuno unta isip host si Bianca Gonzales sa Happy Yipee Yehey apan wala mosugot ang aktres gumikan kay dili na makaya sa iyang schedule.

Dennis hilaw mokomedya

Aminado si Dennis Trillo nga kinahanglan pa niya nga mopaubos og daghang workshop aron epektibo ang iyang paghatag og komedya sa higayon nga mo-guest siya og mga sitcom.