Ram Revilla case mahadlukon sa ginoo ang giingong "masterminds"

CEBU, Philippines - Hugtanong gihimakak sa inahan sa gipatay nga actor-politician Ramgen “Ram” Revilla, Genelyn Magsaysay nga ang duha pa niya ka mga anak nga sila si Ramon Joseph “RJ” Bautista ug Ramona Bautista may kalambigitan sa krimen.

Ang kanhi actress nga si Magsaysay kagahapon sa udto sa balita sa GMA News TV’s Balitanghali nagkanayon nga gimatuto niya og tarong ang iyang mga anak pinaagi sa pagtudlo nila nga maghadlukon sa Ginoo.

“Walang 200,000 si Joseph para magbayad sa papatay sa kanyang kapatid.

“Hindi ko sila pinalaki para magpatayan, hindi ko sila pinalaki para maging bastos sila.

“Church kid si Ram Revilla, church kid ang mga anak ko,” sunod-sunod niyang pamahayag samtang naghilak.

 Kahinumduman nga October 28, gipatay si Ram Revilla sa mga nagmaskara nga mga lalaki sulod mismo sa panimalay niini sa Paranaque. Si Ram, half-brother ni Senator Ramon”Bong” Revilla Jr. ug anak ni kanhi Senador Ramon Revilla Sr.

Ang uyab ni Ram nga si Janelle Manahan, nahiagom pud og samad dinunggaban ug kasamtangang anaa sa tambalanan.

Sa pagdagan sa imbestigasyon nalambigit sa kaso ang mga igsuon sa biktima nga sila si Ramona ug Ramon Joseph nga matud pa maoy mastermind sa krimen.

“May mga differences kami sa bahay namin, oo meron, pero hindi kayang gawin ng mga anak ko na patayin ang sarili nilang kapatid,” dugang pa ni Magsaysay.

Ang magsuong Ramona ug Ramon Martin lakip sa pito ka tawo nga gipasakaan og kaso may labot sa kamatayon ni Ram. Si Ramona, padayong gipangita, diin ang iyang abogado namahayag nga wala kini mutago, kundili dili kini masikop sa kapolisan tungod kay wala may warrant of arrest.

Di Katuohan

Si Bong, human sa lubong ni Ram kagahapon mipadayag nga lisud tuohan ang resulta imbestigasyon nga naglambigit sa iyang half-siblings nga sila si Ramon Martin ug Ramona sa kamatayon sa ilang maguwang.

“Hindi kapani-paniwala na gagawin yun ng aming kapatid. At kung saka-sakaling ginawa nga niya...pero sa tingin namin hindi kayang gawin. Up to now yes, walang makapagsabi na solido na sila nga,” nagkanayon ang senador.

Mihangyo ang senador og mga pag-ampo alang sa ilang pamilya nga magpabiling magmalig-on taliwala niining maong pagsuway nga ilang giatubang. Nanawagan pud siya ngadto sa mga otoridad nga tarungon gayud ang imbestigasyon.

“Sana siguraduhin ng ating awtoridad na tama ang kanilang imbestigasyon at tama po ang mga witnesses dahil napakabigat po para sa mga biktima at mga magiging biktima pa na inosente...Mabigat po para sa amin,” niya pa.

P1million?

Ang hepe sa Paranaque Police Senior Superintendent Billy Beltran, mibutyag nga gisusi na nila ang taho nga ang binuwang allowance sa managsuon gikan sa ilang amahan nga kanhi senador ang hinungdan sa kamatayon ni Ram.

Ang taho mao nga nag-ilogay matud pa ang managsuon sa allowance, apan miingon si Beltran nga wala sila makadawat og taho nga P1 million ang kantidad nga nalambigit.

Si Ram ang kamaguwangan sa siyam ka mga magsuon nga anak sa kanhi senador ug Genelyn.

Goma magpabilin sa TV5

Gumikan kay may mga naglibog, giklaro ni Richard Gomez nga ‘show contract” ra ang iyang gipirmahan sa ABS-CBN alang sa umaabot nga reunion project nila ni Dawn Zulueta, ang “Walang Hanggan.”

Matud ni Goma may pagtugot siya sa TV5, dihang nananghid siya nga muhimo og primetime teleserye sa Kapamilya network, sanglit medyo naglisud pa ang Kapatid network sa ilang programming sa gabii.

Sa TV5, may Talentadong Pinoy siya ug ang umaabot nga reality show, “The Biggest Show in the World-Asia” diin upat matud pa ka mga nasud ang magtigi niini nga may 30 ka mga contestants matag usa.

Tua sa Kuala Lumpur, Malaysia ipahigayon karon ang taping para sa usa ka season, diin reality show graduates, models ug indie actors ang mga representante sa Pilipinas.

Upat pud ka mga TV networks ang mumugna sa maong show nga maglakip sa RCTI sa Indonesia, Kantana sa Thailand, VTC9 sa Vietnam, ug TV5 pud para sa Pilipinas.

“For the team Philippines, meron tayong 30 participants, maglalalaban-laban, matira ang matibay.

“For every country, meron silang host.

“So, pinagsama-sama nila ang iba’t ibang bansa dun, may kanya-kanya kayong show na ginagawa, inside that game show, labu-labo ‘to kaya masaya,” tug-an ni Goma sa PEP.