Asap Rocks may 'Shockers Special'
MANILA, Philippines - Manggugulat ang ASAP Rocks ngayong Linggo (Oktubre 30) sa hatid nitong Shockers Special.
Tampok sa espesyal na Halloween episode ang tatlong oras na makatindig-balahibong mga sorpresa gaya ng ASAP All-Access interview sa sikat na Asian heartthrob na si Mario Maurer at ang grand welcome sa pinakabagong Kapamilya sa ABS-CBN na si Paulo Avelino na magpapakitang gilas kasama sina Kim Chiu, Enchong Dee, Erich Gonzales, Empress Schuck, at Jake Cuenca.
Abangan naman ang back-to-back collaborations nina Mr. Pure Energy Gary Valenciano kasama ang anak na si Paolo at ang banda nitong Salamin; at ang team up nina Asiansation Christian Bautista at international Japanese Pop Idol Baby M.
Kaabang-abang din ang concert performance ni Popstar Princess Sarah Geronimo gayundin ang production number ng ASAP Supahstars na sina Anne Curtis, Luis Manzano, Billy Crawford, Sam Milby, at Piolo Pascual.
Samantala, makisabay sa song numbers na hatid nina ZsaZsa Padilla, Vina Morales, Jed Madela, Erik Santos, ASAP Sessionistas, ASAP Champs, at Starpower Four; at dance number ng Supahdance performers na sina Gab Valenciano, Rayver Cruz, Maja Salvador, John Prats, Iya Villania, Nikki Gil, Shaina Magdayao, Jessy Mendiola, Melissa Ricks, Vincent Bueno, Aaron Villaflor, at Enrique Gil.
Tutukan ang Shockers Special ng ASAP Rocks ngayong Linggo, 12:15 ng tanghali, sa ABS-CBN.
- Latest
