Marian tigluto na og cake

CEBU, Philippines - Baking ang gikalingawan karon ni Marian Rivera ug paborito matud pa ni Dingdong Dantes.ang iyang carrot cake. Pero dihang gipangutana kun lami ba ang iyang mga mugna, mikatawa ang Primetime Queen sa GMA-7 ug miingon ang iyang uyab na lang maoy pangutan-on.

Lovie mopalapad pa sa pag-arte

Giklaro ni Lovie Poe nga dili ra matud pa siya kutob sa hubo-hubo gumikan kay mas interesado matud pa siya nga mapalambo ang iyang abilidad sa pag-arte. Kini maoy pamahayag niya human giangkon nga nangluod siya kadali kang Mother Lily Monteverde gumikan sa mando niini nga butangan og love scene ang horror movie nila ni Paulo Avelino, “Aswang.”

Rayver dili madutlan sa selos

Gikataw-an lang ni Rayver Cruz ang panglantaw sa mga tsismosa nga matud pa nga posibleng magka-problema puhon ang relasyon nila ni Cristine Reyes gumikan sa pagkaselosa sa aktres. Suma pa ni Rayver nga dako ang iyang pagsalig sa iyang uyab busa kung mag-away man sila, ila ra dayon kini nga masulbad.

Mark nausab na

Giangkon ni Mark Herras nga usahay na lang kaayo siya makaduwa og online game gumikan sa ka-busy sa iyang career. Suma pa ni Mark nga kanunay niya nga kauban kaniadto sa pagduwa og online game mao ang kauban niya sa StarStruck 1 nga si Ranier Castillo.

Roxanne nag-ilis og manager

Si Manny Valera maoy bag-ong manager ni Roxanne Guinoo. Mipirma na og tulo ka tuig nga managerial contract si Roxanne ubos sa DMV Entertainment nga gidumala ni Manny.

Kyla nauyonan sa international stars

Nakauyon sila si Michael Bolton ug David Foster sa tingog sa RNB Princess nga si Kyla. Ang tulo nagkaabot sa gi-organisar nga party sa balay ni Dr. Vicki Belo sa miaging gabii kung diin dunay song number si Kyla. 

50K naghugop

Gibana-banang miabot ngadto sa 50,000 ka mga tawo ang naghugop sa SM Mall of Asia concert ground niadtong Martes sa gabii aron malantawan ang konsyerto sa American hip-hop group nga The Black Eyed Peas (BEP). Misaksi usab sa maong concert ang pipila ka mga personalidad sa showbiz, sama nila ni Gary Valenciano, Rowell Santiago, Pauleen Luna, Ehra ug Michelle Madrigal, Sef Cadayona, Pia Magalona ug Isabel Daza.

Giingong tataw kaayo nga napungot si Robin Padilla sa presscon sa sitcom nila ni Vhong Navarro nga Todo Max. Matud pa nga dunay reporter ang nangutana kaniya kalabot sa nikatag nga tsika nga matud pa miatras ang iyang entry sa Metro Manila Film Festival. nga Mr. Wong hinungdan nga gihulipan kini sa pelikula ni Gov. ER Ejercito.

Suma pa ni Robin nga wala siya miatras ug igo ra siya nga gihangyo ni Gov. Ejercito gumikan kay nahuman na ang shooting sa pelikulang Asiong Salonga apan ang Mr. Wong wala pa masugdi.

Suma pa ni Robin nga dili unta angayan himoong isyu ang paghatag niya og slot kang Gov. Ejercito.