Mga bata ng Datalnay, Sarangani kakaiba ang pisngi
MANILA, Philippines - Madalas sa sobrang katuwaan, napapakurot tayo sa mga cute, at “healthy” kids dahil sa kanilang chubby cheeks. Pero sa Sitio Datalnay sa probinsiya ng Sarangani, hindi ikinatutuwa ang mga matatabang pisngi ng mga bata.
Ang bata sa Sitio Datalnay ay may mala-repolyong pisngi. Kahit mukhang mataba ang mukha ng mga batang ito, payat at mahina ang kanilang mga braso. May ibang bata naman na hirap naman sa kanilang paglakad dahil sa kanilang paa. Mas maliit sa dapat nilang edad at halos magkakamukha ang mga bata sa Sitio Datalnay.
Sa loob ng 11 hours, kabilang ang pitong oras na trekking, lalakbayin ni Kara David ang bundok sa Sarangani upang hanapin ang mga batang namamaga ang mukha.
Ano nga bang misteryo ang bumabalot sa kondisyon ng mga bata sa Datalnay? Tunghayan ngayong Lunes sa dokumentaryo na Ang mga Bata ng Datalnay sa award-winning program na I-Witness pagkatapos ng Saksi sa GMA 7.
- Latest
