Contestant sa reality show kinabubuwisitan na sa pagpapapansin

Nagiging OA ang isang contestant ng reality talent show sa telebisyon dahil may acting ang kanyang bawat kilos.

Ang feeling ng mga televiewers, sinasadya ng bagets na umarte para mapansin siya ng mga tao. Ang kaso, imbes na kagiliwan, kinabubuwisitan si bagets dahil hindi na nakakatuwa ang kanyang mga sinasabi at ikinikilos.

Baka ang kaartehan ng bagets ang ikatalo niya sa contest dahil hindi feel ng mga televiewers na iboto siya.

Jennylyn kabado nang makaharap si Tita Vi

Matunog na Tita Vi ang tawag ni Jennylyn Mercado kay Batangas Governor Vilma Santos. Ang say ni Jennylyn, magkahalong kaba at excitement ang na-feel niya nang magharap sila ni Gov. Vi noong Biyernes.

May dahilan para kabahan si Jennylyn dahil si Vilma ang madir ng lalaki na malapit ngayon sa kanyang puso, si Luis Manzano.

Napansin nga ni Vilma na kinakabahan si Jennylyn dahil siya pa ang nagsabi na umpisahan na ng huli ang pagtatanong sa kanya.

Kahit sino ang nasa lugar ni Jennylyn, talagang kakabahan kung ang Star For All Seasons at successful public servant ang kanilang makakaharap at makakausap.

Ang masayang meeting ng dalawa ang proof na hindi totoo ang mga tsismis na hindi happy si Vilma sa special friendship ng kanyang anak kay Jennylyn.

Raymond hinihintay nang mag-react

Inabangan ko kahapon ang Showbiz Central dahil sa exclusive interview nila kay Cora Pastrana, ang legal wife ni Raymond Bagatsing dahil may bisa pa ang kasal nila sa US noong 2008.

Napansin ko na maingat ang mga host ng Showbiz Central sa description nila sa relasyon nina Cora at Raymond.

   Much older ang word na ginamit nila dahil ikinaka-offend ni Cora ang Tagalog word ng old.

Dahil naglabas na ng sama ng loob niya kay Raymond, ang side ng aktor ang hinihintay ng mga tao. Type nila na marinig ang sagot ni Raymond sa mga rebelasyon at tampo ni Cora sa kanya.

Shalani, mahinhin pa ring sumayaw

Tinutukan ko rin ang song and dance number ni Shalani Soledad sa anniversary show ng Wiltime Big Time noong Sabado.

Ako ang na-tense sa ginawa ni Shalani dahil alam ko na hindi madali sa kanya ang sumayaw at kumanta sa harap ng libu-libong tao.

At least, consistent si Shalani dahil prim and proper pa rin siya habang sumasayaw. Natawa nga ako sa biro ng kanyang mga co-hosts na sumayaw na pala siya nang lagay na ’yon.

Pagpayat ni raymond ikagugulat ni Richard

Papayat nang papayat si Raymond Gutierrez kaya effective siya na celebrity endorser ng Sexy Solutions.

Mula nang pumayat si Raymond, naging magkamukha na uli sila ng kanyang twin brother na si Richard Gutierrez.

I’m sure, magugulat si Richard sa pag-uwi nito mula sa taping ng Survivor Philippines dahil malaki ang ipinayat ng kanyang kakambal.

Inspirasyon sa mga tao na may weight problem ang pagpayat ni Raymond dahil may pag-asa pa na mabawasan ang kanilang timbang, kung magiging seryoso sila sa pagpapapayat at magkakaroon ng disiplina.

Aswang saktong pang-Halloween

Sa Nov. 2 ang playdate ng Aswang ng Regal Entertainment, Inc. at sa Oct. 30 ang premiere night ng pelikula sa SM Megamall Cinema.

Ang Aswang ang Halloween presentation ng movie outfit ni Mother Lily Monteverde.