Primer sa PBB

CEBU, Philippines - October 29, pormal nga mubukas pag-usab ang Bahay ni Kuya. Apan karong Domingo, October 24, maaninaw na ang mga umaabot nga panghitabo pinaagi sa special primer nga isalida.

Jed mulusad og awit sa Indonesia

May gi-record nga Bahasa version si Jed Madela sa iyang kanta nga "The Only One For Me" nga i-release niya sa Indonesia. Lakip ang maong kanta sa latest album niya sa Universal Records.

Sam ug Mark tua sa Amerika

Tua na sa Amerika karon ang Philippines’ Sexiest nga si Sam Pinto tungod kay may US Tour siya kauban si Mark Bautista. Ang duruha ka Kapuso talents managsama pud nga ubos sa pagduma sa Viva Artist Agency.

Sid positibo para ni Andi

Napanlantawan ni Sid Lucero nga mas mahinog pa ang acting ability sa iyang half-sister nga si Andi Eigenman sa higayon nga mahibalik na kini sa showbiz human og himugso sa iyang gisabak sunod buwan.

Mga guests ni Vice

Sila si Liz Uy, Chokoleit, Georgina Wilson ug Paulo Avelino maoy guest ni Vice Ganda sa Gandang Gabi Vice sa ABS-CBN karong Domingo. Una niini, makita si Paolo sa MMK episode karong Sabado kauban si KC Concepcion.

Magul-anon ug malipayon

Dili tibuok ang kalipay ni Dianne Necio sa iyang pagtekang sa China alang sa Miss International Pageant sunod buwan sanglit wala na ang iyang amahan nga maoy midasig kaniya nga tumanon ang iyang damgo nga mamahimong beauty queen.

Toni: We don’t want to dwell on what’s missing

Wala na mu-react si Toni Gonzaga sa pamahayag ni Robin Padilla sa Wil Time Bigtime adtong Sabado nga dili na mupauli ang iyang asawang si Mariel Rodriguez nga “umiiyak” ug “nagkukulong sa kwarto” karon nga tipik na kini sa show ni Willie Revillame sa TV5.

“Because it’s a general statement, ayoko naman mag-take responsibility for whatever it is that was said. Ayoko naman i-assume na dahil sa programa ng Happy Yipee Yehey! yun. Siguro the best person to answer is the one who gave that statement. Kasi ang mahirap sa amin, kami ay nagtratrabaho lang din. Hindi naman namin kayang i-interpret kung ano man ang ibig sabihin ng mga sinasabi niya. So mahirap mag-comment sa isyu na ‘yan,” nagkanayon si Toni sa grand press con para sa Pinoy Big Brother Unlimited adtong Martes sa gabii.

Samtang sa pangutana kun gimingaw ba siya kang Mariel nga maoy naandan niyang kauban sa PBB may andam na nga tubag si Toni niini.

“Definitely malaki ang pagbabago this season dahil mayroon tayong mga kasama na hindi na natin makakasama. Kahit mga staff natin may mga iba din nag-ibang bahay. Definitely malaking adjustment. Pero gaya ng sabi ni Direk Lauren Dyogi, we don’t want to dwell on what’s missing right now. We just want to look forward and move on and really present to you what PBB has to offer in this newest season.”

Dingdong nakigbatok sa human trafficking

Si Dingdong Dantes maoy napili nga celebrity endorser sa programa nga gipasiugdahan sa    MTV music channel nga gitawag og “EXIT”.

Ang EXIT nagtangag sa acronym nga End Exploitation and Trafficking kung diin tumong niini ang pakigbatok sa mga tawo nga responsable sa human trafficking .

Si Dingdong maoy morepresenta sa Pilipinas alang sa nahisgutang kampanya. Ang aktor usab maoy host sa tunga sa oras nga documentary nga nag-ulohan og “Enslaved: An MTV EXIT Special.”

Ang maong documentary mopakita sa tinuoray nga sitwasyon sa Pilipinas kalabot sa hitak na kaayo nga human trafficking sa nasud.

Ipakita usab niini ang mga testimonya sa human trafficking survivors ug isaysay usab ang mga pamaagi kung unsaon pagtabang sa publiko sa pagsulbad sa nahisgutang problema.

Heart dili mulayas sa GMA-7!

Magpabilin sa GMA-7 si Heart Evangelista. Subling mipirma og kontrata balig duha ka tuig si Heart kauban ang iyang inahan nga si Cecille Ongpauco sa Kapuso Network. Kini human mi-expire ang tulo ka tuig nga kontrata niini. Kahinumduman nga gituohang mubalik si Heart sa ABS-CBN human kini milugwa sa Star Magic Ball niining bag-o lang.

Robi maningkamot og maayo

Giisip ni Robi Dominggo nga dakong hagit sa iyang abilidad sa hosting ang iyang pagkalakip isip co-host sa mubalik nga Pinoy Big Brother reality show sa ABS-CBN. Bisan may kasinatian na siya sa hosting, lahi matud pa nga duwa ang PBB, plus makauban pa gayud niya sila si Bianca Gonzales ug Toni Gonzaga.

Jhake nahugyaw sa award

Ang inahan nga may sakit ang gipahinungdan ni Jhake Vargas sa iyang Best Male Artist Award gikan sa Star Award for Music adtong Domingo. Wala gayud matud pa siya magdahom nga siya maoy mudaog pinaagi sa kanta nga “Ngiti” sanglit usa sa iyang mga katigi mao si Jovit Baldivino.

Edgar magtinarong na

Misaad na si Edgar Allan Guzman ngadto sa iyang manager nga si Noel Ferrer nga magtarong na siya diin career ug family gayud ang iyang priority. Kini human sa balita nga matud pa nag-live in na sila sa kanhi Sexbomb nga si Johlan ug nakat-on na siya pagpamakak.

Ipakita ang dili angay

May butt exposure matud pa si JC de Vera sa launching movie ni Michelle Madrigal nga “Huling Sayaw ni Salome” suma pa sa director niini nga si Zoren Legaspi. Si Michelle mismo duna puy breast exposure.

Nagkat-on pagka Alta

Nagkat-on gayud sila si Sam Milby, Zanjoe Marudo ug Luis Manzano sa istilo sa mga tawo nga nahisakop sa hataas nga hut-ong sa katilingban alang sa ilang umaabot nga serye sa ABS-CBN, ‘Alta” nga gisugdan na ang taping karong semanaha. Kauban nila niini sila si Angelica Panganiban, KC Concepcion ug Gretchen Barreto.

Susan “milagro” ang pagkalakip sa 100 Days

Giisip ni Ms. Susan Roces nga usa ka “milagro” ang iyang pagkalakip sa teleserye 100 Days To Heaven tungod kay naglaom gayud matud pa siya nga malambigit sa kinabuhi ni Madam Anna Manalastas’ (Coney Reyes/Xyriel Manabat).

“I am a fan of ‘100 Days to Heaven’ and I dreamed of being a part of the show. Just like a miracle, ‘100 Days to Heaven’ gave me a call and offered me the role of ‘Amelita,’ the much talked about mother of Anna Manalastas,” paambit pa niya.

Dugang pa niya, “It’s my pleasure to be a part of this series. Just like other fans, I always make it a point to watch the show every night and to update myself with the latest happenings in Anna Manalastas’ life.”

Dihang gipangutana unsay iyang baruganan sa mga pag-antos ni Anna sa maong show, gipadayag ni Roces ang ka-importante sa pagkinabuhi subay sa pamaagi sa Ginoo aron pag-abot sa adlaw sa panudya, andam na siya nga mubiya sa kalibutan ug mahimong haom nga makig-uban sa Diyos didto sa langit.

Selena nakalingkawas na sa nanghulga sa iyang kinabuhi

Nakaangkon gyud og temporary restraining order si Selena Gomez batok sa 46 anyos nga lalaki nga si Thomas Brodnicki kinsa gihulagway sa iyang abogado nga matud pa dunay kasaysayan sa deperensya sa panghuna-huna ug mihulga nga iyang patyon ang singer.           

Ang Los Angeles Superior Court miumol sa maong kamandoan sa miaging adlaw nga nagmando kang Brodnicki nga kinahanglan nga dili magpaduol kang Selena sa distansiya nga 100 yarda.

"I am in extreme fear of Mr. Brodnicki, due to his direct threat on my life, his obsessive, harassing and threatening behavior to me, as well as his criminal history of stalking," suma   ni Selena sa giisyu niya nga statement sa korte.

Nasayran nga gipaubos sa 72 ka oras sa mental center si Brodnicki   sa miaging buwan gumikan kay nanghulga usab kini sa mga tawo sa kadalanan.

Si Selena nailhan usab isip uyab sa sikat nga teenage pop star nga si Justin Bieber.