Wondergays makikipagsabayan sa Mocha Girls

MANILA, Philippines - Sobrang excited na ang mga baklush na Wondergays para sa gaganapin nilang concert  — May Nagtweet  — bukas, Oct. 18 sa Zirkoh  Tomas Morato, Quezon City.

Excited na ring inaabangan  ng mga bading  ang ipapagawa sa kanila  sa stage  kasama ang  mga guest nilang hunk actors na sina Polo Ravales, Frank Garcia, Ahron Villena, at Baron Geisler. Guest din ang Mocha Girls at si Kris Lawrence.

Asahan na hindi magpapakabog  ang Wondergays sa mga sexy na Mocha Girls  para sa mga  barako nilang  audience.

Ang album na Blind Item ng mga badaf ang bida sa kantahan. Mula ito sa Concorde Records na produced naman ng LDG Productions.

Kakanta ang Wondergays na may banda kaya siguradong  bongga ito pero tiyak na mas nakakaaliw kapag humirit  na sila  ng mga jokes na, take note,  hindi ginaya sa ibang komedyante  para lang makapagpatawa ha?

Para sa mga detalye at ticket, tawagan na lang 441-1276 o 413-6791.